حضانة اطفال اللهم ادخل الجنة كل من ترد علي

السريلانكيات لطيفات مع الاطفال من تجربة

شوفي حبيبتي انا شفت اكثر من حضانة واكثر وحدة اعجبتني كان اكثر أثاثهم من الفناتير ولما شفتها لقيتها غاااااااالية بس مرة رحت لمستودعات السلي اللي في الرياض ولقيت محل نجارة مسوي نفس حركات الفناتير بكمية كبيرة ولما سألت؟ قال طلبية يعني خذي من أفكارهم وزيني عند النجار وبالنسبة للعمالة اكيد السعوديات أحسن من جوانب كثيرة اول شي الأستقدام وثاني شي السكن وثالث شي المشاكل وقبل كل شي الأدارة الحازمة سواء مع السعوديات أو غيرهم

السلام عليكم ورحمة الله وبركاتة

عزيزتي عندي نصائح واتمنى تفيدك

اولا : مو اي مكان يصير حضان فية شروط كثيره لكن سهلة مثلا لكل فصل عدد معين للاطفال اذا ماني غلطانه كل متر مربع تحسبي طفل هذي للانشطة الي يكون الطفل يؤديها جالسا اما الي تتطلب حركة وتنقل اكثر
مثال ثاني بما ان فصول رياض الاطفال مقسمة الى اركن على حسب اعمار الاطفال في هذة الفصول مثلا ركن القراءة يكون في جهة من الفصل اضائتها ممتازة وتكون بعيدة عن الازعاج مثل ركن الحياة اليومية

ثانيا:( البيئة الفيزياقية للفصل )مثلا تكون الاناره موزعة صح واكثر من مصدر للاضئه مثلا النافذة ونور الشمس والكهرباء والى اخرة. التهوية والابتعاد عن الاماكن المغلقة والرطبة و مرعاة تيراة الهواء في الصيف والشتاء. الابواب الفصل يجب ان تكون بها نوافذ زجاجية لاتفتح .

ثالثا: محتويات الفصل من تجهيزات تناسب حجم الطفل ليستطيع الوصول الية بسهولة .والالعاب والاغراض كذالك تناسب عمر الطفل مثلا عمر 3 سنوات يجب تنمية المهرات الحركية الدقيقة فيجي توفير الخرز والخيط<< طبعا هي خاصة للاطفال احجامها مرة كبيرة وفيها فتحات تعلم الطفل التأزر البصري الحركي واشياء غيره كثيرة . والارفف توضع عليه اسما وصور محتوياتها لتعليم الطفل ان يرجع الاغراض مكانها .

رابع : دورات المياة اكرمكم الله تكون كلها ابوابها نصف باب ليتسنى للمعلمة مراقبة الطفل وفي نفس الوقت يكون لة خصوصية كذالك مقعد الحمام والمغاسل والمرايا كله صغيرة وقريبة.

خامسا: المطبخ مهم جدا ويحتوي على التجهيزات الاساسية وفي نفس الوقت يكون امن وبة حواجز تمكنع دخول الاطفال.

سادسا: الوحدة الصحية والطوارئ هام هام هام وتحتوي على السعافات الاولية وثلاجة ادوية وغيرها.

سابعا: الكادر كل مكانت متخصصة وخريجة رياض الاطفال كان افضل والسبب ابسط الامور مناهجهم ودراسته صراحة شفت بعض كتب احدى صديقاتي من زمان وااااااااااااااااااو طبعا هي رياض اطفال
عندهم كتب ومنهج كامل فقط عن متطلبات مبنى رياض الاطفال وهذا الي قلت لك سابق مايجي صفحة وحدة من الكتاب
وكتب تعديل السلوك وكتب تحليل رسوم الاطفال اتمنى اعرف اسمة احسة شئ وكتاب علم نفس النمو وغيره وغيرة
والله والله لو اني توني مع البنت او اعرف رقمها كان سألتها كل شئ تبين لكن للاسف الدنيا فرقتنا

ثامنا : السلامة اولا واخيرا <<< دعاية مثلا افياش الكهرب عالية مايكون فية اسلاك مكشوفة
عند تسجيل الطفل لازم تذكر حالتة الصحية وشهادة من المستشفى واذا فية اي امراض مزمنة لاقدر الله اوحساسية من شئ معين تذكراذا فية اطفال احتياجات خاصة لازم تراعي هذا الشي في المبنى والتجهيزات.

تاسعا : في اشياء اضافية لكن رهيبة و طبعا اذا انتي حطيتيها يرتفع السعر على الطفل لكن لة فوائد مرة وبالعكس تشجع الام على تسجيل الطفل لان هذي الاعمار مرة مهمة وتأسيس للمستقبل والدول المتقدمة عارفة هذا الشئ لكن الدول العربية توها تفزع <<صح النوم
برامج الموهبة والتفوق برامج تنمية المواهب برامج خاصة للاطفال ذوي الاحتياجات الخاصة والتحفيظ واللغة والحاسب وفترات الدوام مثلا فترتين ومناوبة وغيرها كثير

وفية كتب ومواضيع في النت حاولي تبحثي ولا تبدي المشروع الا وانتي جاهزة وملمه بكل شئ ولاتنسي الموقع اساسي ومهم مثلا مايكون عند اسواق او مصانع او مركز اطفاء وكل مكان وسط حي سكني كان افضل <<<طبعا هذي المعلومات من كتاب الي قلت لك قبل عن متطلبات رياض الاطفال

اية صح انصحك مرة ببنات البلد تفيدي وتستفيدي يكفي انها من دينك وعاداتك وتقاليدك
والله الله بالاطفال فهم امانة في رقبتك وانتي مسؤلة عنهم
والحزم والضبط والادارة الصحيحة مطلب اساسي

والله يوفقك في مشروعك واذا مداخلتي افادتك اتمنى تدعي لي ولكل من احب بالهداية والتوفيق في الدارين وان يجمعنا ربي في الفردوس الاعلى

الاندنوسيات روووعة للاطفال وصبارات
بس السعودياااااااات احسن المهم اكتبي معاها عقد علشان تلتزم بالحضور