شاركي في النقاش

سجلي الدخول لإضافة تعليق.

التعليقات

828
  1. صاحبة الموضوع
    اهلين خواتي هذا الموضوع قريته في منتدى ثاني وعجبني قلت

    ابغا اكتبه هنا عشان مواقف البنات المهم جبت لكم موقف قريته بصراحة يموت من الضحك ورحمت البنت


    بقولكم موقف قالته لي صديقتي صارمع بنت خالها
    تقول كنا مجتمعين في بيت جدي وبيت جدها شعبي يعني الحوش بالنص والغرف حوله وجدار اللي يطل على الحوش فية فتحات مثلثه نفس بيوت الجنادرية المهم قالوا للبنات ان العيال بيدخلون يسلمون على جدتهم وحده منهم مخطوبه لواحد من العيال اللي بيدخلون عاد البنت تبي تشوف خطيبها لانها ماشافته من زمان وهم عندهم لاشوفه شرعية ولاشي
    المهم البنات كلهم طلعوا يطلون على العيال مع الفتحات المثلثه هي اخذها الحماس ودخلت راسها زياده
    تخيلوا يوم جت بتطلع راسها ماقدرت _
    وتحاول ماقدرت
    جت خالتها تطلع راسها ماقدرت
    تخيلوا من طلع راسها؟
    خطيبها جا وطلعه_قمة الاحراج

    شرايكم بالموقف؟؟
  2. انا الحمدالله مررره حريصه .. بس المشكله عندنا ابوي الله يهديه مايشوف الهنود رجال لما اروحلهم واي عامل يكون موجود يصلح اي شي خربان بالبيت اسئل يبه راح العامل يقول ايوه تعالي ولما ادخل اتفاجأ انه موجود ويقول وش عليك منه ماهو ماكلك يخلص شغله ويروح ..
  3. @noar_13

    انا موقفي عمري ماانساه نمت بحضن اخو زوجي تخيلو

    كنا مسافرين وساكنين عند اخته وفي غرفة لي انا وزوجي خاصة لاننا عرسان عاد الغرفة باردة وشكله اخو زوجي عجبه البراد ودخل بالفراش مايدري ان الغرفة لنا واجي انا وانام وراه واحضنه بس من الخلف ههههههههه وهو مافتح فمه قام يتنحنح
    وانا ازيد بالحضن ماميزت الصوت لسي يوم رفع صوته انتبهت واقوم كني مقروصة
    بس الي يومك هذا مااحد يدري لا انا علمت ولاهو خخخخخخخخخخخ
  4. @sbah_alkhyr_ya_amy

    انا اذكر زمان وانا بالمتوسط
    اخوي طلب مني احط العشا وحطيته ورحت ناديته لقيته طلع
    وشلت العشا رجع قال لي حطيه مره ثانيه وحطيته ورحت ناديته وقال جاي
    وانتظرت وما جا رحت الحوش الا اشوفه معطيني قفاه وانا وراه تعال اتعشى ولا والله
    مااحطه لك مره ثانيه وهو يمشي رايح وانا اصيح وقف تبغى تتعشى ولا لا
    وهو يمشي وانا امشي بسرعه واضربه على ضهره اشفيك ماترد تبغى تتعشى ولا لا
    اسمع صوت اخويه يقولي يضحك ادخلي يلعن حريشك
    انا جاي وراك
    وطلع هذا اللي مقفي صديقه لابس ثوب وشماغ نفس مقفى اخوي
    صرت حلاوه:o:D
    واجري لداخل وابكي واخوي داخل حرام الرجال شارد وانتي وراه
    وقال لاتبكين لو التفت دفنته مكانه
    بس الرجال محترم
    وهذي الوحيده اللي صارت معاي
  5. @o2

    **نوارة**
    انا موقفي عمري ماانساه نمت بحضن اخو زوجي تخيلو كنا مسافرين وساكنين عند اخته وفي غرفة لي انا وزوجي خاصة لاننا عرسان عاد الغرفة باردة وشكله اخو زوجي عجبه البراد ودخل بالفراش مايدري ان الغرفة لنا واجي انا وانام وراه واحضنه بس من الخلف ههههه…
    فشيله هههههههههههههههههههه:hahaha:

تابعي تجارب أخرى من هذا القسم.