اعيش حاله من الاحباط والضيق

اف اف وشصاير فالدنيا وشصاير فالناس
الكل مخنوق ومتضايق يشتكي وما يشوف اغلاطه..........
ما تصدقون اذا قلتلكم ان انا ورجلي جاينا اكتئاب
وضيقه ما يعلم فيها الا الله من مشاكل اللي حولنا
وكل السبه من الحريم التافهات(اللي الوحده ما تستاهل تتزوج او تفتح بيت)
وبذكرلكم بعض القصص للعبره فقط ...مابي حلول
رجاء مابي رد من وحوش المنتدي ومابي فلسفه وشعليكم هم
مرتاحين (لو مرتاحين ما شكو وركبونا الهم)

القصه الاولي:
متزوج من 14 او 15 سنه ساكن في (بيته) واهله عنده
ما عنده الا بنت وحده شبت عليه المره ياخوانك يطلعون
او تطلعني لحالي ابي استقل ابي اعيش ومن هالكلام
وانا ورجلي كنا نأيدها فالوجه وفالقفا معاها حق
طلع المسكين واستاجر بيت(70000)الف ريال سنوي
افرشته علي مزاجها
غيرت خدامتها اللي مالها الا ثلاث شهور بخدامه ثانيه
طبعا خدامه تعرف تطبخ(رغم ان رجلها كان يترجاها في بيت اهله
انها تطبخ وتقول لا انا مسؤوله عنك لحالك ماني طابخه لغيرك)
والنتيجه بيت مهجور يدفع الايجار لبيت تسكنه الاشباح والاثاث
كل ما كلمتها انا عند اختي فلانه ويالله تقابل اختها لمدة كم يوم
وتروح لبيتها ليله وثلاث ليالي عند امها
وبعدين تقولي؟تصدقين انا مستغربه صاير رجلي يجي عند اهله
ويتكي ما يروح عكس يوم كنا ساكنين عندهم(بالله وش ارد عليها هذي
)

22 تعليق 1,927 مشاهدة

شاركي في النقاش

سجلي الدخول لإضافة تعليق.

التعليقات

20
  1. @khal_syf

    صاحبة الموضوع
    القصه الثانيه

    امه تموت فيه ومن كثر حبها فيه تحاول انه يعيش
    سعيد تمدح مرته كذب...تتحمل كل اللي تسويه فيها
    من ناحيه الزوج.....كان يتمني يبني حياة سعيده
    حاول يتحمل ضعف شخصيتها....وتقلب مزاجها
    تمادت وتمادت ووصلت انها اذا حطت الغدا
    حطت لها ولزوجها كاسين من الاطقم اللي
    الام شاريتها لولدها جهاز لبيته وتضع لامه
    كاس جبن مغسول.......وتعطيها القهوه
    اللي صارلها كم يوم مسويه تشربها
    وتاكل امها من صحن الكريمه وبعد متخلص
    اكل تقول خذي حطيه عند عمتك
    الي اخر هالمهازل
    والنتيجه هدم بيت وضياع طفله
  2. @taaysh

    والله اللي ما يبر امه و يحشم اهله يستاهل اللي يصير له و كفوه تلعب الحرمه في لحيته

تابعي تجارب أخرى من هذا القسم.