يالله صفن وحدتن وحدة ورنني اظافركن وكبن شناطكن ابشوف وش فيهن
اللي معها بودرة والا كحل والا مشعرة تعطينن اياها والا بتصير علوم ورياضيات بعد ( احس اني مملوحة مادري ليه ) بس اهم شي ألأخلاق الحميدة وانكن تتعلمن ماتجيبن ممنوعات
الله يرحم ايام اول فرشة الشعر ماناخذها معنا نخاف يفتشون وألأظافر تقص هي والجلد من زود ألأخلاص والخوف
اما الحين بدل شنطة المدرسة شنطة مكياج وألأظافر ماودتس الا تناظرينهن من زينهن
اللي جاب الطاري قاعدة احوس في شنطة بنتي وهي عمرها 13 والقى قلوس وفرشة شعر سألتها انتي رايحة للمدرسة والا عرس قالت مامي ( بنتي كيوت مثل امها انا ماأقول يوه اقول مامي ( الطواويف أذا ماقوا ) )بنتي تقول لازم البنت تهتم بنفسها وبزينتها بس قدام البنات يعني يامامي يعجبك اروح للمدرسة وكشتي طايرة وخشتي متشققة وهي تناظرني نظرات غريبة بس ماظنتي تقصدني لأن شوشتي هابطة لاطتن دابرا املا كلها فيها ويالله هبطت
تصدقون عاد انا فكرت في كلام بنتي ولقيت معها حق ان البنت لازم تتعود تهتم بنفسها في حدود المعقول مهوب تبالغ وتشخبط على وجهها ولاعاد تدري هو وجه والا جدار مدرسة اولاد متوسط
وبس وسلامتكن كلكن
وانتي يادموعة يانا ولهانه عليتس جعل العدو للمر
حياكم الله يا الاوليات وكل الحبايب >> يرجى الانتقال لملف جديد
متابعة النقاش، صفحة 141