لكل متزوجه تقول لنا الزواج مو مهم بالحياة

بسم الله الرحمن الرحيم
السلام عليكم
بصراحة وبدون مقدمات في قلبي كلام ودي أقوله ولا لقيت غير هالمنتدى الغالي
الى كل متزوجه تقول لكل وحده ماتزوجت ان الزواج مو كل شي بالحياة
وأنها مو نهاية حياتك أنا أرد عليها وأقول ماحسيتي اللي نحسه من ألم وحزن في قلوبنا
كيف الزواج مو كل شي بالحياة وهو أستقرار للنفس وعفة وستر للبنت
بصراحة كل وحده ماتزوجت تتمنى انا أحد يعفها ويستر عليها والمرأة عموما عاطفية تحب ان احد يهتم فيها ويحبها ويبادلها الكلام الحلو مهما اهالينا عطونا كل شي مهما سفرونا ودلعونا انا ووأعوذ بالله من كلمة انا الحمد لله في كامل الدلع والراحة في بيت أهلي لكن لابد من الزواج والتفكير فيه
من منا مايبي مملكته الخاصه من منا مايبي يشوف عياله
حتى الحمل والولادة اللي كل حرمة نشوفها تتعب منه وتتألم وألم الطلق والولادة الا اننا نبي نحس فيه ونفرح بشوفت عيالناوكيف الزواج مو مهم بالحياة وهو أصلا نص الدين أنا أحلف بان لو كل متزوجه ماتزوجت ماقالت هذا الكلام ان الزواج مو مهم بالحياة عشانك انتي تزوجتي وربي أنعم عليك هالنعمه تقولين مو مهم
صدق مايحس بالنار الا رجلن واطيها
أنا ماقولكم جيبوا لن الرجال وزوجونا لا هذا الشي قسمة ونصيب ورزق مكتوب لكن لا تجرحونا بها الكلمة (((((الزواج مو مهم بالحياة
وأسفه اذا طولت عليكم
والسلام خير ختام

47 تعليق 7,882 مشاهدة

شاركي في النقاش

سجلي الدخول لإضافة تعليق.

التعليقات

45
  1. @mog1

    كلامك صريح وصحيح اهم شى الاستقرار النفسي ولابد دائما نسأل الله سبحانه الخيرة في أمرنا
  2. الزواج فعلا مش كل الحياة لكن جزء مهم جدا للفتاة ولكن ليس معنى ذلك ان الفتاة بدون زواج حياتها صعبة او مستحيلة ففى كثير من الأحوال يكون من الأفضل وجود البنت وحيدة بلا زواج افضل ما تتزوج زوج لا تتصور حياتها معه
  3. @star_16

    صاحبة الموضوع
    حواءالمصرية
    الزواج فعلا مش كل الحياة لكن جزء مهم جدا للفتاة ولكن ليس معنى ذلك ان الفتاة بدون زواج حياتها صعبة او مستحيلة ففى كثير من الأحوال يكون من الأفضل وجود البنت وحيدة بلا زواج افضل ما تتزوج زوج لا تتصور حياتها معه
    لاياقلبي الزواج مهم لكل بنت سواء حياتها نعيم او جحيم
    وخصوصا في مجتمعنا مايرحم من الكلام اللي ماله داعي على اللي يتاخر زواجها يعني مايمديها تحاول انها ماتهتم لابد يكون فيه من يجرح مشاعرها
    وماقول غير الله يرزقني ويرزق كل بنت تتمنى الزواج ويرزقنا خير الازواج الدين والاخلاق الحسنه يارب العالمين
  4. عاد انا عكسك منب مهتمه بزواج ابدا ياما حاريم تعذبوو من ازواجهم من خيانات ومن ضرب و و و

    انا عن نفسي ماقام معي ولاقعد واذا انتي شايفه انه مهم عندك في بنات مو مهتماااات وانا من ظمنهم وتصدقين كل ماسمعت من وحده انها متزوجه ارحمها مدري ليييش

    وبس والله يرزقك الزوج الصالح ..

تابعي تجارب أخرى من هذا القسم.