أحسن الأدوية للشعر

السلام عليكم
أنا فكرت بفكرة إن شالله ماتكون مكررة
وهي الله يسلمكم عبارة عن :11:
تجربة كل وحدة بالأدوية الطبية مالت الشعر سواء كانت انبولات أو حبوب فيتامينات أو منبت شعر hair growth او غيرها المهم تكون أدوية طبية مو وصفات شعبية وطبعًا تكون باستشارة طبيب
لأنه الأدوية صراحة غالية وما يبين مفعولها إلا بعد 6 أشهر لأنه معروف أنه علاج الشعر ياخذ وقت طويل فصراحة حرام الوحدة تقط على أدوية بالأخير ما تستفيد منها وبنفس الوقت عشان نستفيد من تجارب بعض ونساعد بعض

أمممممم
أنا أستخدمت أدوية كثيرة للشعر وماكنت أبية يطول بس أبي كثافة وصراحة تجربتي يبيلها صفحات ومقالات ومنتديات كاملة :) لأنة ما بقى دوا ما استخدمته
ببدا أولاً بأحسن حبوب فيتامينات للشعر وهي البنتوجار بلا منازع صدقوني بنات كل الحبوب الباجي خرطي هالحبوب معجزة للشعر والأظافر وحتى مكتوب عليها أنها بس للشعر والأظافر ولازم تاخذون 3 حيات باليوم على الأقل لمدة 6 شهور وطبعًا بعد استشارة الطبيب

راح أتكلم بعدين عن أدوية ثانية فادتني وبالتفصيل

أتمنى أنكم تفيدونا بتجاربكم

4 تعليق 1,935 مشاهدة

شاركي في النقاش

سجلي الدخول لإضافة تعليق.

التعليقات

4
  1. @aayon_alghzal

    مشكوره على المعلومه بس انا افضل الفواكه والخضروات فيه كل الفيتامينات

    انا ما انصح احد يستعملا لحبوب للشعر بس اذا كانت عندها مكان ما في شعر

    وبس انا افضل الزيوت والاكل الجيد وبس

    الانه انتي ما تعرفين شو حاطين فيه من كيماويات بس تعرفين انه هاي الحبوب الشعر اول ما تستعملينه
    شعرج يتساقط وبعدين يرجع

    ....................
  2. @alndaaoyh

    صاحبة الموضوع
    ماتوقعت صراحة جذي الردود يعني محد جرب أدوية للشعر

    بالنسبة للحبوب أنا أستعملها من ثلاث شهور وشعري لا طاح ولا شي بالعكس مشالله قام يطول بسرعة والتقصف راح صار شحالته
    وحتى الحبوب ماتزيد الوزن ومافيها هرمونات أو كورتيزون وخفيفة حيل وبالأخير هي فيتامينات يعني إذا مافادت ماراح تضر
  3. @bnt_alkrnysh

    مرحبا اختي
    اولا هل الحبوب عجزنا واحنا ندورها ومالقيناها
    ثانياقالت عنها الدكتوره صفية هنا في المنتدى
    انها تزيد الوزن عشرة كيلو في الشهر:26:

تابعي تجارب أخرى من هذا القسم.