السلام عليكم ورحمه الله وبركاته
الحمدلله يا بنات ربنا استجاب دعائى .. الانترنت وصلت ولله الحمد بعد طول انتظار ... انا قربت اكلم الحيطان يا ناس ... شويه كمان وكنتوا هتزورونى فى العباسيه .. ازيكم يا شباب وحشتونى جدااااا ... انا لاحظت ان فى احداث كتير فاتتنى بس ان شاء الله هتابع معاكم من تانى واقرفكم من تانى :35: ... ومش هسلم بالاسم بقه علشان انتوا كلكم واحشننى اوىىىى وخايفه انسى حد سهوا وكمان لان اللى فاتنى كتييير اوى مش هعرف ارد على كل اللى فات .. بس هرحب طبعا واكيد ب بوبا اهلا بيكى يا بوبا ونورتينا :27: .. ماشاء الله عليكى الواحد زى ما يكون يعرفك من زمااان اوى وزى ما تكونى معانا من زمان حقيقى .. انتى كلامك حلو اوى ومقنع جدااا ويخلى اى حد زعلان .. ها يا اوشى .. اى حد مكتئب يفك على طول من غير ما ياخد باله حتى... انا الحقيقه عندى تعليق على كلامك بخصوص اللخبطه بتاعه الدكاترة دى بس بعد ما نطمن عليكى فى الاشعه هنبقى نتكلم كتييير .. اهلا بيكى مرة تانيه يا حبيبتى وان شاء الله الاشعه هتبقى سهله جدا وعلى فكرة هى اصلا سهله موووت بس للاسف فى ناس بتهول الامور كتييييييير اوى لكنها مش صعبه خالص وهى خمس دقايق وهتقومى تتنططى ان شاء الله .. وبعدين اهى حاجه بسيطه اوى من تعب الولاده ولا ايه .. مش لازم برده نجمد قلبنا كده ده التقيل لسه جاى ورا يا حلوين :07: :
ومضة أمل(خبرات متبادلة حول مراكز العقم في مصر)ج 2 [تجاوز عدد الصفحات المسموح به]
متابعة النقاش، صفحة 290