زوجي والهديه

مرحبا بنات
كيفكم حبيت اقولكم حكايتي مع زوجي العزيز
تذكرون اليوم اللي طلعت فيه ظاهرة التقاء الزهرة مع المشتري مع القمر
في ذالك اليوم اتصل علي:arb: وقالي اطلعي برى شوفي القمر
انا وش صار لي صرت قسم بالله زي الطاؤوس يالله امشي ويسرح خيالي بعيد

قلت في نفسي أكيد شاري لي هديه ويبي يسوي لي مفاجأه (مع العلم انه ما قد جاب هديه وانا دايم اطلب منه)

صرت أنزل مع الدرج زي :king:

وأحس الخطوات ثقيله والباب بعيد طلعت برى أدور في الحوش ما لقيت شي قلت اكيد السواق غبي ماعرف وين يحط الهديه مدري ليش احس انها مره كبيره ومغلفه تغليف خاقوقي

واتصل على:arb: بكل غنج ودلع قلت:طلعت برى ماشفت شي؟

رد بكل عفاجة التماسيح:أرقي للسطح تشوفينه.

صرت سلمكم الله زي الدجاجه الرشوشه وقعدت على حيلي

ودميعاتي متحجرتن في عويناتي

واصكه بذيك الرسال اللي محتواها(هل تعلم اني ما زلت مأمله انك تجيبلي هديه انا لم ولن ايأيس خيرها في غيرها )

مارد علي ولما جاء لين معه كيس قعدت اتبوسم واناظر الكيس وهو يقول الله يعطيك عقل المهم

قلت هذي حركات أثاره عطني الكيس قال موب لك قلت تلعب علي الا قال خذيه

وأخمطه منه واطل في الكيس وش تتوقعون جابلي
^
^

^
^
^
^
^
^















































آه







جايب معه اوراق عمل يسويها بالبيت؟


والله انه صدق والى الان ما شفت هديه

وسلامتكم.

23 تعليق 1,881 مشاهدة

شاركي في النقاش

سجلي الدخول لإضافة تعليق.

التعليقات

23
  1. @bnt_sudeer

    هههههههههههههههههههههه

    ياربيه متى يحسون فينا بس

    انا مره كنا متهاوشين و تراضينا

    لما جا من بكره دخل ومعه كيس قمت ابوسم

    تخيلوا قال وبكل عربجه

    تراه موب لك هذا عطر جابه لي واحد هديه

    ياعمري رحمت نفسي بقوه
  2. ههههههههههههههههههههههههههه
    ياحياتي عطيني العنوان ومن بكره تلاقين الهدية عند الباب هههههههههههه
    امزح امزح
    بس مادري متى بحنون علينا ويجبرونا خواطرنا ويجيبون لنا هديه
    لو بسكويت ابو نص:hahaha::hahaha:
  3. @msrkaa_hanm

    تعرفين متى ترتاحين ؟
    اذا شلتي سالفة الهديه من راسك
    كنت اعيش نفس افكارك لكن ارتحت لما صرت معاااد افكر فيها
    اللي مايجيب هديه اول العرس شيلي من راسك يجيبها بعد فتره لانه طبععععععععععععع

تابعي تجارب أخرى من هذا القسم.