بلا تنظيف بلا هم ... شوفوا حالتنا الان

10 مارس 2009

كل بيت الحين ..
اهله حاجرين عيالهم و اكيد هم يتقاضبون مخاد الكنب وهوش من الحشره

وهناك من هي بلشه تسدد شبابيك الغرف توها منظفه :hahaha:

وهناك من اكلت هوا وغبار مثل حالاتي على باله خاشه جو مع حملة تنظيف ..
خل حملات هالحزه تنفعها <<-- امزح ابلا جروووحه :D

والي شغالتهم انشبت لهم تبي تسافر خخخ
عارفه الكرف الي يبي يجيها :hahaha:

ووهناك من هم الله يعافيهم ويشافيهم مع عيالهم مطامر من البيت للمستشفى (مثلكم عارف الربو الله يعافي مرضانا ومرضى المسلمين )

اسمعوا هالحديث
عن ابي هريره رضى الله عنه ... قال: سمعت رسول الله صلى الله عليه وسلم يقول : ( الريح من روح الله تعالى تأتي بالرحمه وتأتي بالعذاب , فاذا رأيتوموها فلا تسبوها واسألو الله من خيرها ,واستعيذوا بالله من شرها ) رواه البخاري

دعاء الريح ذا هاجت
اللهم اني اسألك خيرها وخير مافيها ,وخير ماارسلت به
واعوذ بك من شرها , وشر مافيها وشر ماارسلت به

استغفر الله رب العرش العظيم واتوب اليه
استغفر الله رب العرش العظيم واتوب اليه
استغفر الله رب العرش العظيم واتوب اليه
استغفر الله رب العرش العظيم واتوب اليه
استغفر الله رب العرش العظيم واتوب اليه

هذي بعض التجارب حلوه

*الي عندهم مكنسة رينبوا هذا وقتها شغليها تنظف الجو تمام .
*الي عندها جهاز بخار الوجه شغليه جت حزته .
*الي عندها جهاز الساونا الكبير ايضا شغليه لو في الحمام الله يكرمكم .
*طريقة الرش بالبخاخ ممتازه بس احسها تزيد الوصاخه شوي.
*جهاز بخار الربو ضعي فيه مويه عاديه وشغليه في مكان لعب الاطفال يلطف الجو .
والي عندها افكار تنورنا

بلا تنظيف بلا هم ... شوفوا حالتنا الان

التعليقات

تجاربكم مع مطابخ كوزين بلس

عند شراء البلاط لازم نعرف الفرق بينهماا

"بدائل مناسبه عن نعلات البلاط"

هل احد جرب تفصيل مطابخ خشب الماني. (كوزين بلس.. نولتي.. ألخ

جعل من ترد علي ترزق بشاره تسجد لله بها شاكره 💜💜