الله يفرج همومكم ساعدوني بنتي كله تبكي

شوفي ياعمري اول شيء تاكدي ان تشبع زين وكل ساعتين عطيها رضعه
ثاني شيء روحي للطبيب وخليه يكشف على بطنها ويشوف اذا فيها غازات وخليه يكشف على اذانها
اذا كان فيها غازات حطي مع حليبها علاج بالصيدليه كانه جلي لونه ابيض ثلاث مرات في اليوم وباذن الله راح يخف المغص
وحاولي تغرينها بعد كل رضعه
وملابسها لاتحاولي تدفينها بزياده طبقات فوق بعض ترا الحر يخليهم يطفشون ولاتفصخينها يدخلها البرد حاولي يكون لبسها تمام
وتاكدي انه مافيها اكزيما ترا بنتي ذبحتني بالصياح منه قالي الدكتور منها لانها تحك وتالم الطفل
اذا تاكدتي انها سليمه من كل شيء حاولي تلعبينها وتحندينها من ربع الى نصف ساعه وبعدها بتتعب وتمل من اللعب بعدها رضعيها وشبعيها ولفيها في المهاد ونوميها في مكان هادي وجو معتدل ونور خفيف اذا كانت ماتحب الظلام تشوفي ان شاء الله لما تصحى من النوم راح تلاقينها مروقه


ايوه ونسيت اهم شيء الاذكااااااااااااااااااااااار اذكار المساء والصباح اوردي عليها 3 مرات اعيذك بكلمات الله التامه من كل شيطان وهامه وكل عين لامه وما تكون صاحيه شغلي سورة البقرة وان شاء الله ربي يعافيها

هذي كل اللي عندي ولاتنسيني من الدعاء وطمنيني عنها

روحي ياشيخة الله يفرجها عليكي ويسعدك ويين مارحتي
بسوي كل اللي قلتي لي عليه
وكل ماشفتها ساكتة
لادعي لك من كل قلبي

عزيزتي اختي ام ليان ماقصرت كفت ووفت لكن احب انبهك لموضوع انتبهي لنوع الحليب اللي تعطينها اياه زي السيميلاك يجيب غازات وامساك لكثيرمن الاطفال
وكثير اطفال مايناسبهم