ومضة أمل(خبرات متبادلة حول مراكز العقم في مصر)ج 2 [تجاوز عدد الصفحات المسموح به]

متابعة النقاش، صفحة 302

شاركي في النقاش

سجلي الدخول لإضافة تعليق.

التعليقات

1,790
  1. حمد الله على السلامة يابوبا معلش ياحبيبتى كله هيهون ان شاء الله وهتنسى كل التعب لما تشوفى النونو بين ايديكى
    على فكرة ناس كتير بتحمل وهما شايلين انبوب وانا اعرف ناس كده
  2. @boba_boba

    ربنا يباركلى فيكم ومايحرمنى منكم

    بس انتو بتقولو كده عشان تخففو عليا وتطمنونى ولا ايه

    يعنى مش معنى انبوب واحد
    ان احتمال الحمل 50% زى الدكتور ماقالى
    زازاى الانبوب الشمال ياخد من المبيض اليمين
    مش كل انبوب مرتبط بالمبيض بتاعه

    معلش فهمونى الحتة دى
  3. @neevooo

    صاحبة الموضوع
    ازيكوا يا بنات وحشتوني اوي اوي اوي
    مش هقول اسماء زي ما انا متعودة بس عشان كلامي هيكون ليكوا كلكم
    بس انا متشكرة اوي انكم اهتميتوا بغيابي و اسفة على القلق اللي سببته لكم بس كان غصب عني
    اعتقد انه آن الاوان اني احكيلكم الحكاية من اولها لآخرها
    الحكاية ابتدت من 22 يوم بالتمام و الكمال
    لما قررت اعمل اختبار حمل في البيت و دة كان في الفجر و طلع بوزاتيف و دي حاجة شوفتها بعيني انا و جوزي كان واضح واضوح الشمس و طبعا مش عارفة اوصفلكوا حالتي كانت ازاي بس الغالب اني كنت مخضوضة اوي و مش بقول غير الحمد لله رب العالمين
    المهم قمنا الصبح فرحنا الولاد و دي برضو حاجة مش عارفة اوصفها ازاي
    لكن مش عارفة ايه اللي خلاني اروح ابص على التيست تاني (يمكن مش كنت مصدقة ) لقيت اغرب حاجة الخط البوزاتيف اللي كان قوي جدا و واضح جدا بدأ يبقى فاتح و الخط التاني اللي هو النيجاتيف بدأ يتقل (دة بعد مرور 6 ساعات على عمل التيست)
    نزلت روحت اللاب و عملت تحليل دم و طلع نيجاتيف
    قلت الحمد لله 000 طيب ازاي كدة واحد آه و واحد لأ ؟000 طيب اتاكد ازاي ؟
    المهم سكت و قعدت ادعي ربنا و ربنا نزلها على قلبي برد و سلام يا سبحان الله
    المهم دكتورة اللاب قالتلي تحليل البيت بتاعك غريب اوي استني اسبوع و كرري الدم تاني
    و طول الفترة اللي فاتت و انا عندي اعراض غريبة عمري ما حسيت بيها و عاوزة اقولكم اني طول عمري مش بحاول اعرف اي حاجة عن اعراض الحمل تجنبا للوهم و كل اللي اعرفه من الافلام و دي مش هي الاعراض اللي حسيت بيها
    المهم روحت لدكتور باطني عشان ضغطي عالي اوي و حكيناله الموضوع راح قالي انا مش هديكي اي علاج و استني لحد ما تأخر الدورة يتم 18 يوم لان في ستات الحمل عندهم مش بيظهر غير بعد 45 يوم او اكتر
    برضو قلت الحمد لله و مش عارفة اقولكم الفترة دي عدت علىّ ازاي كنت عاوزة افرح بس خايفة لا فرحتي متدومش و خايفة ازعل لا تكون فرحتي جواية و اخنقها بزعلي
    عارفين انا كنت زي العطشان اوي و قدامه ازازة مية مليانة و خايف يشرب و يروي عطشه لا تكون الازازة دي مش كن حقه و خايف يسيبها لا تضيع و يموت هو من العطش
    بجد احساس مش عارفة اوصفه بس كنت مداومة على قيام الليل و الدعاء و الاستغفار طوووووووووووووول الوقت
    و على اد ما كنت مستعجلة اكرر التيست و اخلص على اد ما كنت مرعوبة لما الميعاد قرب المهم لحد اول امبارح و كان عدّى 20 يوم تأخير و نزلت عملت التحليل اللي هو ساب بيتا يونيت اللي بيقيس هورمون الحمل و مش عارفة اقولكم على العذاب اللي شوفته و انا بعمل التحليل تقريبا كل ذرة في جسمي كانت متجمدة من الخوف و الرعب
    المهم عملته اخيرا و النتيجة كانت امبارح و من كتر رعبي طلبت من جوزي يتصل بيهم و يسأل عن النتيجة و فضلت مستنية ييجي يقولي النتيجة ايه لكن ماجاش عارفين ليه عشان انا مش حااااااااااااااااااااااااااااامل و النتيجة نيجاتيف
    خلاص
    انا
    مش حااااااااااااااااااااااااامل
    الحمد لله رب العالمين صدقوني مش زعلانة والله 000 بس كنت بحلم طول الفترة دي و بفكر هقولكم ازاي و هفرح مامتي و بابايا ازاي
    و اتخيل فرحة كل واحد هتكون ازاي و كنت بدعي ربنا ليل و نهار انه يفرح قلبي انا و انتوا و كل البنات
    انا من ساعة ما سمعت النتيجة و انا مش بقول غير الحمد لله على كل حال الا حال اهل النار و مش عيطت بالعكس انا ساكتة خااااااااااااااااااالص و مش بتكلم و مش حاسة بأي حاجة متنحة و متجمدة صحيح مش حاسة بأي حياة بس كمان مش ميتة
    و مش هقول غير الحمد لله و مش هقول يا رب انت امرتني بالدعاء و اديني بديعيك و وعدتني بالاجابة و انك لا تخلف الميعاد و عندي يقين برحمتك اللي وسعت كل شيء و مش هسأل غيرك و مش هناجي غيرك و مش هطلب من غيرك و مش هلجأ لغيرك و مش هيرزقني غيرك و مش هيرحم ضعفي و ذلي و يجبر كسري غيرك و مش هيفرح قلبي غيرك و متأكدة انك مش هتحرمني لانك ارحم من انك تحرمني ازاي تحرمني و انت الكريم و ازاي تعذبني و انت الرحيم و ازاي تسيبني كدة و انا مليش غيرك ما هو انا مليش غيرك و مش هروح لغيرك
  4. @neevooo

    صاحبة الموضوع
    انا اسفة سامحوني طولت عليكوا بس حبيت افسرلكم سبب غيابي عنكم
    و مش كنت عارفة احكي اصل هقول ايه!!!!!!!!
    حامل ( مش متأكدة )
    مش حامل ( و ايه الجديد في كدة ما انا طول عمري مش حامل )
    انا بجد اسفة اني ضايقتكم و قلقتكم طول الفترة اللي فاتت
    سامحوني كلكم
  5. @neevooo

    صاحبة الموضوع
    boba boba
    تعالوا بقى اقول لكم على حاجة والله اللى هقوله ده هو احساسى اللى انا حاساه وعاوزة انقله لكم طبعا اللى احنا فيه ده ابتلاء من رب العالمين عاوز يشوفنا هنصبر ولا لأ وانا بالنسبة ليا سعيدة بالابتلاء ده جدا طبعا فى اوقات بتمر عليا بكون مخنوق…


    كان نفسي ااكد احساسك دة بخبر حقيقي بس الحمد لله 000 قدّر الله و ما شاء فعل
    طبعا انت نورتينا و زدنا اخت غالية على قلوبنا و الف سلامة عليكي من التعب و الحمد لله على كل حال الا حال اهل النار
    و بالنسبة للاندروميزيوس فبأمر الله تعالى دلوقتي في علاج لكل حاجة و بالنسبة للانبوبة فاعتقد ( بصراحة مش فاكرة مين ) قالتلك تنامي على الجانب الايمن بعد الجماع و ربنا قادر يرزقني و يرزقك و كل البنات من حيث لا نحتسب

تابعي تجارب أخرى من هذا القسم.