السلام عليكم ورحمه الله وبركاته يابنوتات
راح اقولكم تجربتي وكيف الطريقه بالتفصيل الملل
أول شي سجلي واختاري اسم
بعدين فيه خانه تكتبين معلومات عنك...
عمرك- دولتك- اللغه اللي تبين تدرسينها( مثلا عربي)+ واللغه اللي تبين تتعلمينها (مثلا انجلش)
وفيه خانه تكتبين اي معلومات تحبين تضيفنها
بعدين فيه منتدى وشات في نفس الموقع
كيف تتعرفين على الناس؟
1- تقدرين تدخلين الشات وتسولفين مع الناس وتقدرين تاخذين اسمهم في الموقع وتراسلينهم من خلال الموقع...
2-أيضا في المنتدى.. فيه منتدى اللغه الانجليزي..منتدى اللغه العربيه..منتدى اللغه الفرنسيه... الخ
ادخلي مثلا منتدى اللغه الانجليزي واكتبي انك تبين تتعلمين انجلش ومعلومات شوي عنك لو حابه وانك تبين تدردشين مع الناس وتراسلينهم واللي يبي يراسلك..
3- تروحين لمحرك البحث في الموقع.. تدخلين معلومات البحث
تحددين اللغه اللي يبي يتعلمها الطرف الاخرى( انا اخترت عربي)
تحددين الدوله اللي يعيش فيها الطرف الاخر( انا كتبت امريكا)
تحددين جنس الطرف الاخر امراه او رجل او كلاهما ( انا كتبت كلش)
وفيه حاجه مهمه لازم تنتبيهن لها.. ان البحث يكون بالاعضاء الاحدث دخولا للموقع..( لان احيانا ناس مسجلين من سنه ولا عاد رجعوا للموقع)
وخلاص تسوين بحث وبيطلع لك اسماء ناس كثييرين
قومي وراسليهم كلهم... شوفي من يرد عليك..:p
واختاري بعد من يعجبك..
وتقدرين بعد فتره من المراسله تضيفينهم على الماسنجر..
ان شاء الله قدرت اوضح لكم اللي تبون تعرفونه
بنات ابي اسولف بالانجلش؟؟؟؟؟؟؟؟
متابعة النقاش، صفحة 2