ومضة أمل(خبرات متبادلة حول مراكز العقم في مصر)ج 2 [تجاوز عدد الصفحات المسموح به]

متابعة النقاش، صفحة 309

شاركي في النقاش

سجلي الدخول لإضافة تعليق.

التعليقات

1,790
  1. @dodo_am_gogo

    مانولا هيا دكتورة رجاء لما ادتك الجلوجوفاج قالت علشان فيه تكيس و لا علشان بيساعد على انزال الوزن و لا علشان ايه بالظبط
  2. @fatm_alzhraaa912

    ghada00
    فطومة حبيبتى اخبارك ايه ربنا معاكى وييسر لك امرك و تنجح العملية من اول مرة باذن الله قوليلى حتعمليها فين و تكلفتها اد ايه؟؟
    بصى يا ستى انا هعملها عند دكتور عبد العال الغندور نائب مدير مستشفى الازهر بتاعة اطفال الانابيب وهو هيعملهالى فى مستشفى المريلاند وهتكلف بالادوية وكل حاجة 9 الاف جنية وربنا يكرمنا ادعيلى يا غادة
    وانتى مفكرتيش فيها ومحولتيش تقنعى زوجك
  3. Neevooo
    كان نفسي ااكد احساسك دة بخبر حقيقي بس الحمد لله 000 قدّر الله و ما شاء فعل طبعا انت نورتينا و زدنا اخت غالية على قلوبنا و الف سلامة عليكي من التعب و الحمد لله على كل حال الا حال اهل النار و بالنسبة للاندروميزيوس فبأمر الله تعالى دلوقتي في …
    السلام عليكم ورحمه الله وبركاته

    ايه يا جماعه مالكم بس ايه اللى جرالكم ... الكل حزانة ليه .... لا حول ولا قوة الا بالله العلى العظيم

    نيفــــــــو .. حبيبه قلبى اسمعينى كويس هقللك كلمتين عايزاكى تركزى فيهم وتعقليهم ..انا مش هقعد اقول معلش وكبرى دماغك ومش مهم ونتكلم ونرغى فى اللى فات والكلام ده علشان الموقف لا يحتمل ولانه بالنسبه لى شخصيا بيزود المى (لانه تقريبا حصل معايا بس مع اختلاف تفاصيل) .. ومش هنقعد برده نفكر ايه الاعراض اللى كانت عندك دى ونشغل بالنا كتير خلاص هننسى الايام الصعبه اللى فاتت دى اللى حصل حصل وانتهـــــــــى ..

    لكن هقللك انى لو مكانك فا اللى حصل ده هيخلينى افكر كويس انا بعمل ايه دلوقتى وماشيه صح ولا لا فى العلاج وابدأ ابص لنفسى بعمق اكتر واشوف حالتى وصلت لفين وبتتقدم ولا لا .. ولو انا حاسه انى مش بتقدم خطوة احاول الاقى الحل .. ولو فى حاجه انا مش مقتنعه بيها بعملها هغيرها للصح يعنى لو انا حاسه انى قلقانه من الدكتور بتاعى هستخير واغيره ولو انا عايزة اخس هحاول اخس واقاوم نفسى بكل مجهود عندى ولو انا مش باخد علاج السيدوفاج هبتدى انتظم فيه كويس اوى .. الخ الخ الخ وبإختصار هو ده العلاج بتاعك بمنتهى البساطه الموضوع مش معقد ومش مستحيل يا نيفين وفى شهر واحد وزنك بس ينزل هتلاقى لخبطة الهرمونات اتعدلت وكل حاجه بقت فى مستواها

    ولانى مقتنعه بموضوع اسعى يا عبد وانا اسعى معاك فا طول ما احنا بنسعى ربنا هيكون معانا حتى لو قلتى لى انا مسبتش حاجه ما عملتهاش وجربت كل حاجه .. هقل لك لا السعى مطلوب دائما بكل الطرق
    وماشاء الله عليكى انا شايفه ان انتى جامده ومش مهزوزة ربنا يثبتك ويصلح لك احوالك بس تصدقى اقول لك على حاجه فى سرك ... من يومين جت لى ميه زمزم وشربت منها ودعيت لك كتييير اوى (وطبعا باقى البنات) ولما قريت مشاركتك معرفش ليه قلت الحمدلله وحسيت انه ده الافضل ليكى دلوقتى وانا واثقه ان قدر ربنا كله خير ولو كان الخير ليكى انك تحملى المرة دى كان اكيد ربنا استجاب دعائى ..بصى بقه المطلوب منك بس الايام دى يا حبيبه قلبى هو انك تراجعى نفسك زى ما قلت لك و كمان الصبر .. الصبر .. على قد ما تقدرى وانا واثقه ان ربنا هيديكى الصبر ده علشان تقدرى تتحملى الموقف .. لان ربنا بيدى الابتلاء ويدى الصبر عليه
  4. @mmyzat

    السلام عليكم ورحمة الله وبركاته
    نيفو ..مش حقدر اقولك غير ....لعله خير
    انا من راى رمال لازم ترجعى اللى انتى ماشية عليه وتعرفى سبب اللى حصل ايه؟
    طمطم ..ربنا معاكى يا جميلوتبشرينا بحملك قريب ان شاء الله
    بوبا ..انبوب واحد نعمة ورضى احنا محتاجين توفيق ربنا وبس مش اكتر من كده
    باقى البنات عاملين ايه؟

تابعي تجارب أخرى من هذا القسم.