تعالوا معاي شوي

بنات والله الذي لااله الا هو ان هالقصه حقيقيه

لوحده تقرب للوالده

هذي يابنات يتيمه لالها ام ولا اب ولا اي احد الوالده القريبه الوحيده لها

وقام ابوي وزوجها لواحد يعرفه مبسوط ماديا مو غني بس مو فقير وكان عليه جمال واخلاق وكل يبيه

وهو كان يموت عليها

وكان له قرايب يبونه وسووا لها مكيده اتهموها بشرفها 000طبعا هي يتيمه من بياخذ لها بحقها فسهل عليهم الاتهام المهم طلقها

شوفوا وضعها يتيمه ومطلقه ومتهمه بشرفها في مجتمع مايرحم 000تهقونها راحت تركض بين البيوت وتشكي على هذا وهذا

وهذولا يرحمونها وهذولا يقولون يمكن الرجال صادق وهذا يطمع فيها ويحسبها فريسه سهله لاوالله كتمت على الخبر اللي درا 00درا واللي مادرا 00مادرا

وفرشت سجادتها وتوجهت لواحد احد اللي مايبي له واسطه وهو علام الغيوب اذا هو مانصرها ماحد غيره بينصرها

سنه وتقدم لها واحد مليونير وكرررررررريم وجاها عيال وبنات كلهم مناصب ووجاه

وزجها اللي طلقها مات بعد كم سنه فقير حتى البيت ماعند عياله واللي كاد لها ماكمل سنه اصلا وكلهم حوادث شنيعه

انا كتبت هالكلام عشان البنات اللي يحسون ان الطلاق نهايه العالم ويستجدون هذا وهذا وتصيبهم حالات نفسيه تدرون ليش لان التربيه غلط من يوم تطلع البنت وهي يترسخ في بالها ان رزقها وموتها وحياتها تحت رحمه هالادمي مايربونها اهلها على العزه والاستقلاليه

منول كانوا امهاتنا وجداتنا يقولون (الطلاق للصبايا مثل الصياح للسرايا)


والسرايا هي كتايب الجيش

ويقولون (اريد انا المطلقه اللي تعاف رجالها )

وكانت الام تستقبل بنتها المطلقه بعباره (الشمس قدامك والظلما وراك )

تهقونهم ماكانوا يتالمون للطلاق وماكانوا اعداءهم يتشمتون
الا كانوا يتالمون ويذوقون الامرين ولاكن كان عندهم كبرياء وكانوا يرفعون من معنويات بناتهم
المهم
حبيت اقول اللي بخاطري من حرقتي على بنات حواء 000

الله يهديهم ويهديلهم