اخيرا الحمدلله ضبط الجهاز حسيت اني سنعة خخخخ:p
بس ياويلي محملة الماسنجر الجديد مرة بااايخ شكله وامس عصب هوسبندي وقال رجعي الاول ماعجبه هذا :hahaha: حتى انا الصدق ماعجبني بس يوم رجعت القديم ماعاد يفتح..يله ميخالف بخلي الجديد :o
يله شفت الردود ودي اردرد بعد اذنكم..<<راحت افطرت وجت يووه احس اني مسويه انجاز توست جبن وعصير برتقال احس اني صايرة صدقية شكلي بس بقول لزوجي ننقل ديره ثانية بعيد عن اهلي عشان اصير سنعة هههه<<اتحداك
الموهيم..
حنوووونة ماشاء الله تهبل الملابس..ياربي انهبلت على تنورة الجينز ماشاء الله تدنن
انا من اول ماحملت ابي تنورة جينز بس عيوووووووووووووا علي خواتي يقولون مو حلوة للبيبي تنورة جينز والسوق موب طاير ويمكن يطلع ولد عقدوني :06: الحين تحسفت احس بنتي كبرت وصارت تصلح لها التنورة<<عاشت جو الاخت ان البنت جت!!
والمدس والشنطة مرة مرة نعومات اجل لو اصور لك شنطتي احس بتضحكون علي :hahaha:
بس كويس اخذت ام ارانب مااخذت ام قرود وامي تقول ماله داعي شنطه قلت ماسكه غلط وسعرها مرة رخيص..
بس توهقت بها صارت هي شنطة المستشفى احس مستحية منها مرة:D
وعلى فكرة اغلب الاغراض احس ماشفتها عندنا لاني رحت قبل كم يوم ودي اشتري للبنت فساتين واشياء بنوتيه بس مالقيت شي مرة موحلو غريبة اغراضكم ماشاء الله حلوة وين فيه؟؟
عطرالحب هلا فيك شلووونك..
انا مو من الرياض..انا من القصيم سيتي سنتر<<وش تبي
قلبها طيب الله يكون بعونك والله صعبه موقفك من حقك كذا تفكرين بس خلي كل شي لوقته..
وان شاء الله مايصير الا كل خير..ومهما صار مقدر ومكتوب واذا فكرتي انه مكتووووب ولازم يصير بترتاحين شوي..
ومرت اخوك خليها ترسل هي لرجلها وشوله تحشرك بالنص بعد انتي ياقلبي موووب ناقصة..<<احس اني اغث بكلامي بدل مااواسي بس وش اسوي
وعلى جلسه اخوك لحاله بتبوووك ياما شباب جلسوا لحالهم فترة وعقب الحمدلله تزوجوا واستقروا ويمكن بعد رجعوووا لديرتهم..
وسورة البقرة يمكن تشغلينها وتطولين تسمعينها ماتنامين..من كذا تسهرين ماتقدرين تصحين..
بس قبل تنامين اقري اخر سورة الكهف وانوي انك تقومين لصلاة الفجر سبحان الله حتى بدون منبه تصحين..
محتارة الله يكون بعووونك يارب..
اجل اني في نفس الديرة مع اهلي شكلها لها ميزة والله كثير اقول له ترا لو احد درى اني عند اهلي بيحسبون فيه شي بيننا..
حتى امي اقول له امي تتضايق من جلستي عندهم مو انها ماتبي وجودي بلعكس عشت معهم كل عمري ويبوني اكثر مما تبيني انت بس امي تتضايق تخاف ان فيه مشكله بيننا..
بس اخر شي فقدت الامل فيه وتركتها للظروف اذا قال لي بجي اخذك لبست وطلعت واذا قام يتحجج قلت بنام
ومرات لو قال بجي اخذك اقول لا بنام عند اهلي ومابي اجي..
لان مرات فعلا اكون تعبانة ماقدر اروح معه ماقدر على طلعة الدرج ومرات لاااااااااا اكون طيبه بس نفسيتي تعبانة واحتاجه بجنبي لكن اكتشفت انه مايحب كذا وتركته على راحته..
وحاولت قد مااقدر انبسط عند اهلي واخلي حياتي في بيت اهلي.........
حتى لما اجي اسولف مع احد كل سواليفي عن اهلي ماكني متزووجه!!
بس الحمدلله على كل حال الله يجيب بنتي بالسلامة يارب عالاقل انشغل فيها شوي عن ابوها ويمكن هو عساه يتعلق فيها ويخلينا بالبيت عشان بنته هههه
بس انتي فعلا لو ماعندك مشاكل بحملك كان جلستي عنده عالاقل لنهاية الثامن..الله يسهل عليك يارب ووسعي صدرررررررررررررك..
رؤوم واللولو شلووونكم وش مسوووين
يووه بدت الطلوق والاوجاع
انا ملاحظه ان الحركة ماشاء الله صايرة مستمرة من امس بالليل يوم كنت عند اهل زوجي انسدحت شوي مع عمتنا <<حوامل ههههههه
وبطني يرقى وينزل البنت بسم الله عليها تتحرك
ولما جيت انام نفس الشي ويوم صحيت الفجر احس بها وللحين مع اني كنت افقد حركتها كثير من نهاية الثامن واخاف لايصير فيها شي والحين زادت ماشاء الله مدري طبيعي او وش القصة<<تدور شي توسوس عليه..!
«•¤©§•« اجمل تجمع 33 لمواليد ,, ابريل ,, مايو .. يونيو «•¤©§•«
متابعة النقاش، صفحة 31