ياللي عندهم خادمة عندي مشكلة وابي لها حل ,,,,,,,

السلام عليكم
انا اول مره اعرض مشكلتي وهي جدا مضايقتني وابي لها حل تعرفون في ايامنا هذي الواحد يالله يلقى له خدامه شغلها زين ونظيفة بس المشكلة الكلام اللي ماله داعي ،،،، وانتم تعرفون البيت مايخلى من المشاكل صارت معي مشكلة بيني انا وزوجي وزعلت واخذت ملابسي وقلت ودني لاهلي هذي مشكلة بيني وبين زوجي المهم تراضينا بعدها بيوم طبعا ملابسي في الشنطة قلت للخدامة تعالي رتبي ملابسي قالت كل يوم رتبي ملابسي كل يوم انا في رتب قلت وش دخلك المشكلة صارت مرتين المشكلة ومالها دخل هي قلت لها انتي عليك انك ترتبينهم وبس وتسمعين كلامي ولا لاتشتغلين اذا مهب عاجبك قالت اصلا انتي دائما مشكلة مع زوج انتي.... انتي دائما عند كبيموتر في اجلس انتي دائما برى في روح سوق قامت تقول لي كلام بس مااقدر اقوله كلام كثير اقولها من اللي قالك هالكلام قالت شغالة بيت ماما انتي شغالة بيت اخت ماما انتي انا كل شي اعرفه بس انتي ماتعرفين المهم تهاوشت انا وياها انقهرت قهر
المشكلة لمن اروح لاهلي لازم اجيبها معي سواء هي او غيرها لان ولدي صغير يبيله عناية لمن اروح لاستراحة جمعه مثلا
وانتم تعرفون اختلاط الخدامات
المشكلة صارت مشاكلي بالبيت متداولة بين الخدامات اليوم ضاق صدري وانقهرت ودي اتنازل عنها حامت كبدي من الخدامات ابي اعرف الكل مثلي ولا بس انا
الخدامة اللي قبلها قبل لاتروح قالت لي ام زوجي ان خدامتك تشتكي انك كذا وكذ تخيلو انقهرت وش هذا صرت مااحب اجيب خدامتي عند اهل زوجي
المشكلة اني ماقد تناقشت انا وياها ومااحب اعطيهم وجه قولو لي وش الحل الله يجزاكم خير لان اليوم خلالالالالاص
وجعني راسي ماعاد اقدر اتحمل وتعرفون شر لابد منه - المشكلة اني معطيتها حرية في تنظيف البيت يعني مااضغط عليها
انتظر ردودكم

67 تعليق 8,716 مشاهدة

شاركي في النقاش

سجلي الدخول لإضافة تعليق.

التعليقات

62
  1. @shms11_1

    صاحبة الموضوع
    انا بسفرها ان شاء الله من غير كلام بس انا مشكلتي مع كل خدامة كذا كلما اجيب خدامة اشوفها تلقط كلام من الخدامات اللي عند اهلي او من اللي يجون عند اهلي وانا بحكم اني بعيدة لازم اجيبها معي
  2. انا مجربتهم صدقيني ولا وحده بتريح نفسيتك غيرك انتي

    زي مايقول المثل مايحك ظهيرك الا ظفيرك

    دام انك لسى ببداية حياتك سفريها ونظمي حياتك وبترتاحين وتشوفين

    خلي عندك بدال هالخادمات اجهزه غسالة اتوماتيك وغسالة صحون ومن هالاشياء

    حتى لو عندك بيبي صغير خلي ولدك دايم معك ماعليك من الناس انتي ماتدري وش يسون له من وراك
  3. @hdyk_alazhar_1

    نفس الكلام اللي كنت بقووووله ..

    ياختي الشغالات ماوراهم الا المشاكل وطالما عايلتك صغيرة استغني عنها ..

    او جيبي شغاله بساعه .. يعني تشتغل وتروح ..

تابعي تجارب أخرى من هذا القسم.