انا زهقانه مررررررررررره
زوجي عندي ومسوي زعلان على سبب تافه من الاسبوع اللي فات
وانا خاسرته ومافتحت معه الموضوع وهو منقهر لاني مطنشه
ويوم جا اليوم بس يرمي كلام اخرتها رفعت صوتي وقلت له هذي اخر مره تعاملني بهالطريقه انا سمعت كلامك وسويت اللي تبي وانت منت مصدق يعني انا ما استفدت شي فلا تحلم مره ثانيه اسمع كلامك والا اشاورك بشي
مدامك جادعني ببيت اهلي لو تشوفني طالعه بنص الليل في الشارع ماتتكلم اذا اخذتني لبيتك ذيك الساعه تكلم
تبون الصراحه حسيت انه تحسف بس قالي خير ان شا الله لا ترفعين صوتك قلت له هذا اللي عندي
طبعا مايقدر يزعل لان يبي ....... وقهر مشوار من القصيم يروح عليه على الفاضي فجلس يراضيني
هذا طبعا المغرب اول ما وصل
الحين رحت انام عنده لان هو ينام في ملحق اهلي ابي اتكلم معه يقول وراي قومه بدري بنام
اقوله بروح معك للقصيم يقول لاتناقشين الموضوع منتهي
قلت انا طفشانه وضايق صدري هنا قال انا اكثر منك تحسبين عاجبني الوضع قلت باين والدليل كل شوي تسال عني وتدق
قال باللهي وش تبين اقول كل شوي داق ماعندي اشغال انا !!! << يقهر
قلت ازين لي اروح انام عند ولدي لان مافي فايده من الجلسه عندك اصلا انت خلاص اخذت اللي تبي وماعليك من مشاعري
تركته ورحت
ياربي ذا الرجال من جد يقهرون انا نفسيتي تعبانه
وابي احد يخفف عني وهو ماهمه الا يخلص شغله ويروح
تصدقون حتى سالفه اخوي ماقلت له عليها ويوم سالني وش عنده اخوك كل شوي داق عليه قلت مافي شي مهم شي خاص بينا
بالعاده مايخليني لين اعترف هالمره سكت ماعلق
اف من جد احس ودي انفجر بس حتى الدموع معاندتني
احس مافي شي يستاهل اني ابكي بس مقهوووووووووووووره
تصدقون ودي ارسل له رساله اقوله ان نفسيتي تعبانه لا تشيل بخاطرك ..عشان كذا تركتك وطلعت
بعدين اقول لا ودي اطنشه اسبوع عشان يحس انه غلطان واخليه هو اللي يلحق وراي
وبنفس الوقت ابيه يعطيني مصروف قبل يروح بس كيف بطلب منه وانا زعلانه هههههههه
محتاجه اشتري ملابس نفاس وملابس لولدي تيوفي احس خلاص دخل الصيف وانا ما معي الا شتوي
يووووووووووه هذرتي واجده
والله من حر مافيني ابي اسولف معه ماعطاني وجه ياشيييييييييييين ضبان نجد اف
«•¤©§•« اجمل تجمع 33 لمواليد ,, ابريل ,, مايو .. يونيو «•¤©§•«
متابعة النقاش، صفحة 63