الحمام المغربي

حبيباتي في عالم حواء أرجو إفادتي بطريقة عمل الحمام المغربي في البيت حيث اني أعاني من تراكم الأوساخ على الجلد وظهور الحبوب بسبب استخدام بعض أنواع الأدوية فلا تبخلوا علي باقتراحاتكم.....

5 تعليق 1,849 مشاهدة

شاركي في النقاش

سجلي الدخول لإضافة تعليق.

التعليقات

5
  1. @shth_aldosy

    اي والله حتى انا ودي اعررررررررررررررف شلون اصلحه بالبيت؟؟؟
    بلييييييييييز لا تبخلون علينا:26: :27:
  2. @sabrina_witch

    الســــــلام عليكم


    بنات الحمام المغربي ما يبي له شي والله

    بس اهم شي المداومه عليه يعني احسن لج كل سبعة ايام بالضبط تسوين سكراب يعني تقشير للجسم وبعدها الحمام المغربي

    وانا بقولكم الطريقه



    اول شي انا اسوي كل سبعة ايام الحمام المغربي

    ثاني شي قبل لا اسوي الحمام المغربي اسوي سكراب للجسم واستخدم سكرابين ان شاء الله بقوللكم عليه وخلطة الاخت فيوليت

    يعني كل مره اسوي شكل

    المطلوب

    1. صابون مغربي

    2. ليفه مغربيه او ليفة من بودي شوب على شكل قفاز لونه وردي

    3. بودي سكراب بالملح من بودي شوب ( الاسم بيكون في الاسفل ) انا عجبني الملح وفي انواع ثانيه

    4. بودي سكراب بالمشمش ( للوجه والجسم ) احسن شي ... الاسم بالاسفل

    الطريقه:

    اغسلي الليفه بصابونة ديتول او لاف بوي وانقعيها في ماي حااار واتركيها

    اول شي نملي البانيو بالماي الحار ( مب حار واجد اهم شي انه ما يحرق الجسم ) وحاولي تسكرين النوافذ واماكن الهوا عشان ما يطلع البخار

    ثاني شي انقعي نفسج بالماي لمدة عشر دقايق او 15 دقيقه بعدها اطلع من الماي

    الحين بتسوين وحده من هالطرق ( انا عن نفسي كل سبعة اياام طريقه ) اذا تبين وحده براحتج

    الطريقه الاولى

    اخذي البودي سكراب اللي بالمشمش ووزعيه على الجسم واتركيه لمدة عشر او عشرين دقيقه

    وموجود على هذا الرابط

    http://forum.hawaaworld.com/showthread.php?threadid=260921


    خلال هاذي المده افركي الجسم بطريقه دائريه لين تنتهي المده

    طلعي الليفه وابتدي افكري الجسم مابين القوه والخفه

    افركي لمدة عشر دقايق الجسم كله

    بس لا تعورين نفسج واجد لانه بيطلع نتيجه عكسيه وبعدها اغسلي الجسم وابتدي سوي الحمام المغربي (( بقوله في الاخير اول شي بكمل الطرق )) اوكي


    الطريقه الثانيه

    لما تطلعين من البانيو اخذي البودي سكراب اللي بالملح وحطيه على جسمج كله ما عدا الوجه

    واهو موجود على هذا الرابط

    http://forum.hawaaworld.com/showthread.php?threadid=260934

    اتركيه لمدة عشر او عشرين دقيقه ودلكي جسمج بشكل دائري

    بعدها طلعي الليفه وابتدي افركي ونفس ما قلت من قبل مش بالقوه واجد

    وعقبها اغسلي جسمج وابتدي في الحمام المغربي


    الطريقه الثالثه

    استخدم خلطة الاخت فيلوليت

    حاولي تخلينها نص ساعه على جسمج

    واهي على هذا الرابط


    http://forum.hawaaworld.com/showthread.php?threadid=76555



    الحين خلصت من الطرق وانتي كل سبع ايام جربي طريقه


    الحمـــــــام المغربي


    بعد البودي سكراب او الخلطه

    اخذ الصابون المغربي واهو على شكل سائل طبعا واوزعه على الجسم كللله

    ونتركه طبعها لمدة عشرين دقيقه

    بعدها نطلع الليفه ونبتدي نفكر لمدة عشر او 15 دقيقه

    اغسلي جسمج بالماي الدافي وانهي بالمااي البارد عشان اتسكرين المسامات


    بعدها حطي فديتج ماي ورد في بخاخ الماء ( جزا الله الاخت اللي قالت الطريقه خير ) ونشفي جسمج وبخي ماي الورد على جسمج واتركيه ينشف

    وابتدي بترطيب جسمج بالمرطب اللي تحبينه

    انا عن نفسي استخدم لوشن جليسوليد

    ورجلي الفازلين


    وبس هذا كل شي واذا في شي انا بالخدمه

    تحياتي

تابعي تجارب أخرى من هذا القسم.