&&اللهم لك الحمد && بيت المنطلقات الجديد>> يرجى الانتقال لملف جديد

قلبي زجاج
هلا وغلا ومرحبا بك بيننا


متفائله
انا متخرجه من الجامعه لي شهر

وماعندي اطفال الحمد لله

بنات
ودي كل وحده تذكر قصتها
يعني وش صار لها
كيف تطلقت
اذا كنتوا كاتبينها قبل فياليت تسوون لها اقتباس وترجعون تكتبونها مرة ثانيه
لأني انضميت لهالملف
وعدد الصفحات 160
وانا انسانه عجازه<<معترفه
ماقدرت ارجع واقرا الصفحات كلها
ودي اعرف قصصكم
اذا ماعليكم امر
وعشان الاخوات الجدد اللي انضموا لنا بعد يعرفون

واللي ماودها تقول
خلاص براحتها

في انتظاركم حبيباتي

ههههههههههههه يصير اخذ ثنين !!!!!:32: >>>>>>>>طماعة





الحمد لله اللي عوض آسفه اللي قلبنا عليك المواجع
الشــــــــــــــــــــــــــــــــــــــــــــــــــــك هو دمار الحياة الزوجية :06:

---------------------------------------------------
قلبي زجاج حياك الله بيننا ولو هذا مكانك وبين خواتك
الله يعوضك ويجبر قلبك

وعودة
مانلعب من وراك ولاشي انتي اللي تتغلين علينا
بس ولا نزعلين
هذي بوسة ترضية



هلاوين 551
على فكرة اسمك حلو (انا فهمتة على انه ترحيب مكرر مرتين ---> هلا x هلا = هلاوين >>>>>>>صح !!
هلا ومية هلا فيك
وهذي بوسة

مرحبا بكل المنطلقات
من فترة وانا في بيتكم بس هاذي اول مرة اشارك
بخبركم قصتي
انا من الجامعة للبيت ومن البيت للجامعة
يعني تقدرون تقولون مش اجتماعية
بعد ماخلصت الجامعة وجلست في البيت
حسيت بالملل خصوصا ان خواتي كلهن تزوجن
بعدها اتوظفت وعلى طول انخطبت من قريب لي
انا اعتمدت على اهلي قلت اهلي عارفين مصلحتي وخواني كبار واكيد يعرفون من الشخص المناسب لي .
المهم تزوجت وبعد ثلاث شهور كان من البداية ما في تفاهم يعني اهو يبغايعيش حياته حر كنه عزوبي يعني وانا من وجهة نظري ان الزواج التزام فزعلت ورحت لاهلي ماكنت اضن انه بيطلقني بالهسولة كنت احسب انه اهلي بيحلون المشكلة
المهم تطلقت
انا ماني زعلانه عليه بس على حالي اللي صرت مطلقة وتعرفن الحريم جاهزات للسوالف في مجتمعنا خصوصا انه الطلاق عندنا نادر
فسالفتي ما بقت وحدة ما حكت فيها وسبحان الله كيف طلعن الاشاعات عني

انا الحين ابغى أسالكن وش الاشياء اللي تغيرت فيكن بعد الطلاق؟الايجابية والسلبية

اتريا ردكن على قصتي وابغا نصايحن خصوصا اني منطلقة فرش

هلا وغلا فيك ربي يعوضك يارب الي يسعدك


شوفي حبيبي اول 3 سنوات من الزواج طبيعي تحصل مشاكل لاختلاف وجهات النظر بين الزوجين


انتي غلطتي يوم رحتى لهلك لسبب صغير

وهو صراحه موكفو زواج والدليل انو عند اول مشكله يطلق لانه شكله موراعي زواج ومسئوليه واحسن لك الي تخلصتي منه بدري قبل يجيك عيال وتبلشين

ثاني حبيبتي المجتمع والحريم ونضرة الناس للمطلقه والاشاعات هذى كلها حنا السبب فيها

يغنى باختصار احنا الى نسمح لناس فيها

خلهم يحكون الف سنه لقدام بطقاق

خلهم يحطون اشاعات الف سنه قدام

خلهم يحطون كل اللوم عليط بستين داهيه

لاتهتمين لان هذا طبيعي والدليل سيد البشر صلى الله عليه وسلم وهو يدعو لحق اتهم بالجنون والسحر 0000الخ كيف حنا يالبشر

وعائشه رضي الله عنها ام المؤمنين وزوجة خير من وطت اقدامه الارض اتهمت وماسلمت من لسان الناس

اجى انا وازعل خلهم يهرجون لحد مايملون

بالعكس واجهى الامر بثقه وشجاعه وهدو لانك ماغلطتي فليش تعاقبين نفسك وتحسسين الناس انك غلطتي

بالعكس امزحي اضحى سولفي لاتحسسين الناس ان موضوع الزواج والطلاق اثر عليك لا عادى عيشي حياتك بطولها وعرضها دامك ماتخلفين دينك ولا تعصين ربك الباقي ببليس ماعليك

انا اول مطلقت نصحتنى وحده ربي يسعدها وين ماكانت قالت اذا انتى نظرتي لنفسك انك غلطانه وان الطلاق عيب لاتلومين الناس لو نظرو لك كذا التغغيير يبدا من نفسك ومن داخلك اقتنعى بالامر واقنعى نفسك ان الخيره بمختاره الله


واذكر من كلامها تقول اذا كنتى بمجلس وجا طاري الطلاق لاتحسسين وتحسين نفسك الكلام موجه لك حتى لو كان موجه

لا حسسي نفسك انك انتى صاحبة خبره بهالموضوع ولك راي ابلغ من رائيه تكلمي عادي بثقه وكان طلاقك موشي يعيب

وبذكر لك موقف صار لي اول ماتطلقت

(كانت وحده من صديقات امى خاطبتنى لولدها قبل ماتزوج واهلي رفضو وقدر الله علي(كنها تشحذ عند مسجد:hahaha:) اي اقولك قدرالله علي وتزوجت الى مايتسماش طليقي ولما تطلقت جت هالحرمه في مجلس وتسولف وجا طاري الزواج ومدري ايش المهم انها بدت تدق بالحكى انو الى يترك الطيب يبلاه ربي بالردي وانه تلمح انه تستاهلين الطلاق ليش ترفضين ولدي

عاد انا ناصحتنى صديقتي انو ماعليك واوثقي من نفسك<<كانت الثقه فل:hahaha:

المهم واقول اي والله الواحد مايدري وين الخيره فيه بس اهم شي راحة البال بس تصدقون ان السعوديات مضلومات ياعزي عنهم يتحملن شي ماحد يتحمله رجالنا اعوذبالله اغلب هالحريم ياعزتى لهن تلاقيها صابره على الظيم عند رجال مايسوى ولاهو كفو عشان ماتفشل اهلها يالمشكله انا نمثل الاسلام امام العالم والاسلام مايرضى بالظلم

ومجتمعنا ظالم للمراه لاوالله المراه ظالمه نفسها بهالحال الا تطلقى وتجي العافيه وارتاحي وريحي راسك والرازق بسما والحاسد بالارض والبنت الكفو لو تطلقت من الاف كلن يبي قربها يكفي الخبره الي عندها وانا عندى خبره الظاهر بقدم على الوزاره بيقبلونى وزيره على طول <<<قلبت الموضوع مزح عشان مايحسون انى ادافع عن المطلقات وانى مقهوره او شي


من بعد هالموقف الى حسو فيه انى موخايفه من كلمة مطلقه واتكلم عادى خف كثير اللهمز واللمز وبالعكس صارو عادي جدا ولاكنى مطلقه


معليش طولة بس حبيت انقل لك تجربه عشتها ربي يسر امرك ويرزقك