السلام عليكم
بنات بغيت استشيركم بشغله مالها علاقه بالحمل
بس تكفوون يهموني رايكم
السالفه ان زوجي اكتشفت انه يكلم اول ماجبت ولدي بكم شهر وكانت له العلاقه كم شهر يعني من بداية حملي
الزبده اني اكتشفت الموضوع 4 مرات وفي كل مره يوعدني انه خلاص ونرجع عادي الا اخر مره رحت بيت اهلي وقلتله خلاص انا وانت ماعاد نتفق وانا ابي ورقتي تدخلت ام زوجي بالموضوع وقالت اللي تبينه يصير بس لاتطلبين الطلاق كنت في بيت اهلي 3 الى 4 شهور تقريبا مصره على الطلاق اخر شي قلت لازم اشوف نقطة ضعفه وش هي واضغط عليها لاقيت ان نقطة ضعفه الماديه وانا عارفه انه عايش على الله ثم على راتبه ومايعرف يجمع الريال (للمعلوميه انا اللي جايبه الشغاله على حسابي لانه رافضها ويوم قلتله بجيبها على حسابي وانا اللي ادفع راتبها وافق اني اجيبها) قلت لخالتي اللي هي امه انا راضيه اني ارجع بس يايحط بحسابي 10000 ريال او انه يتكفل في كل شي للشغاله (طبعا الشغاله بتكلفه نفس المبلغ بس مفرق لان اقامتها وكل اوراقها غير نظاميه وعليها غرامات)
في البدايه رفض الشغاله بس بالاخير امن بالامر الواقع ووافق
والحين صاير مايعطيني شي خاص فيني اقصد ولو اطلب منه شي قال انا بتحمل اغراضك والا الفلوس اللي ابدفعها لشغالتك
تخيلوا الشهر اللي فات كل اللي سريته لي انا مايجي بـ200 ريال وانا ساكته ماقلت شي والحين كل ماطق عود بحجر قالي تحملي الشغاله انا مااقدر اتحملها وانتي تطلبيني
المشكله اني ماقلتله ابي الا لما قالي انا شايف تلفزيون بـ3000 وزياده قلتله خلاص اللي انا ابيه اجيب لي سودانيه تشيل لي وافصل لي عبايه :(
قالي انتي فكيني من هالشغاله وانا اجيب لك اللي تبين سكت ماقلت شي لاني مستحيل اشيل عنه السغاله لو وش بيصير
المشكله معاملته معاي حليل مو مثل اول يعني ماودي اضايقه على شان مايقلب علي ونصير في هوشه وزعل اسابيع وشهور
«•¤©§•« اجمل تجمع 33 لمواليد ,, ابريل ,, مايو .. يونيو «•¤©§•«
متابعة النقاش، صفحة 129