ومضة أمل(خبرات متبادلة حول مراكز العقم في مصر)ج 2 [تجاوز عدد الصفحات المسموح به]

متابعة النقاش، صفحة 327

شاركي في النقاش

سجلي الدخول لإضافة تعليق.

التعليقات

1,790
  1. @boba_boba

    د/دينا
    بصى يا بوبا انا عملت المنظار عند الدكتور محمود شاور فى المنصوره كلفنى 1600 روحت له خامس يوم الدوره وكنت صايمه طبعا قاسولى الضغط وشويه اسئله كده فى السريع عملتى عمليات قبل كده عندك حساسيه من اكل او ادويه معينه وهكذا وبعدين لبست لبس العمليات…
    حمدا لله على سلامتك يادوندون
    بس عاوزة اقولك اختك جبانة جدا
    والله حتى الحقن انا بخاف منها
    انا عارفة ان كل شئ لازم نستحمله عشان ربنا يكرمنا
    بس مش عارفة حاسة انى اتهبلت
    وجوايا شئ بيقولى انى مافيش حاجة من كلام الدكاترة صح
    يعنى ولا اندومتريوزيس ولا انابيب
    هههههههههههههههههههههه
    مصدقة نفسى اكتر من الدكاترة
  2. @boba_boba

    ام انس 2006
    يابنات معلش والله كان لاازم اكتب الكلام ده احقاقا للحق وعشان اريح نفسيتي وعشان الدكتور عادل بعت لي ايميل زعلني من نفسي اوي فكان لازم اعمل كده وكتبت كل ده لأنه هيقراه
    بصوا بقى ياجماعة
    انا عاوزة اسالكم على حاجة بس خايفة تقولوا عليا عبيطة

    طبعا انتوا عارفين ان اخر شئ وصلوا له لحالتى ان عندى انسداد فى الانبوب اليمين

    وقبلها عملت 3 سونار مهبلى كل واحد طالع بنتيجة
    اول سونار قالو كيس على المبيض اليمين
    والتانى قالوا على الشمال والتالت قالوا ده تكيس مش اكياس

    انا بقى عاوزة افهم هو الكيس ده ان شاء الله بيتمشى كل فترة كده ويقعد فى حتى
    يعنى كان فى اليمين وبعد كده ما استريحش للمكان ده راح على الشمال
    وفى المرة التالتة كان بيلعب معايا استغماية
    ولا هم كيسين واحد فى اليمين والتانى فى الشمال
    والله انا دماغى قربت تلسع من كتر التفكير
    وايه اللى سد الانبوبة دى انا عمرى ماعملت عمليات
    ولا جاتنى التهابات بالشكل الخطير ده
    انا عارفة طبعا ان لو ربنا اراد نها تتسد هتتسد بس
    انا عاوزة افكر الاول يمكن تكون النتيجة غلط
    واوعوا تقولو لى عيدى الاشعة المملة دى تانى
    انا طيب هقولكو انا عملت اشعة الصبغة دى فى اليوم ال11
    وفى موضوع هنا للدكتورة امينة بتقول اليوم ده متأخر
    بس ماقالتش اكتر من كده
    مش عارفة بقى يعنى ايه متاخر يعنى ممكن عشان التاخير ده تكون النتيجة غلط
    وممكن لو الصبغة قليلة ماتمشيش فى الانبوب اليمين
    ومعلش طولت عليكو بالاسئلة بس انا عاوزة اعرف
    هى صحيح الخلطات اللى بنقرا عنها دى فى المنتدى ممكن لو فى سدد تعالجه
    يعنى فى حد جرب الخلطات دى وبعدين مابقاش عنده سدد
    انا عاوزة برضه احاول ما افقدش الامل لغاية ماربنا يسهل وانزل مصر واقرر اعمل المنظار عند دكتور عادل
  3. @fatm_alzhraaa912

    بصى يا بوبا انا عملت اشعة الصبغة بعد الدورة على طول يعنى المفروض ان النهاردة تخلص الدورة يبقى بكرة او بعدة تعملى الاشعة لكن لية هو خلكى لليوم 11 مش عارفة بصى انتى ممكن تعمليها تانى بس تخدى بنج فى ستات كتير بتعملها ببنج مع ان انا الدكتور ربنا يسمحة عملهالى من غير بنج وتعبت زيك كدة وبعدين عرفت ان ممكن تتعمل ببنج وربنا معاكى يا حبيبتى ويطمنك ان شاء الله
  4. @ashtkt_alyk

    بصى يا بوبا...بالنسبة لأشعة الصبغة كانوا قالولى فى المركز إنها بتتعمل من اليوم الثالث للسادس بعد انتهاء الدورة....و بالتالى الميعاد يعتمد على مده دورتك...فلو هى مثلا 6 أيام...يبقى أمسب أياه هى من اليوم التاسع لليوم ال 11 .....و على فكرة أنا عملتها فى ميعاد مشابه لميعادك و أكثر من طبيب قبلوها....و عايزة أقولك حاجة لو فعلا فيه سدد فى أنبوب بيبان فى أي ميعاد...و كمان كان فيه طبيب قالى انهم بس بيحبوا يعملوها بدري علشان متأثرش على البويضة فى الشهر ده...أنا مش واثقة أوي من المعلومة ديه.....فرأيي يا حبيبتى أنه ملوش لازمة تعيديها...و ابتدي كملى فحوصاتك علشان لما تعرضيها على طبيب تقدري تبدأي خطة علاج فى أقرب وقت...

    و بالتالى يا حبيبتى أول خطوة فى رأيي هى إنك تعملى تحاليل ثانى يوم الدورة و هى (FSH - LH - Prolactin) و ديه من الأساسيات فى تشخيص التأخير علشان تطمنى ان هرمون اللبن مش عالى و كمان علشان تقطعى الشك باليقين فى مسألة وجود تكيس من عدمه...و كمان تحليل البروجسترون فى اليوم ال 21 حتى تطمئنى على سلامة التبويض...

    و ثانيا تسألى برضه على التحاليل اللازمة اللى بتأكد إصابتك بالاندومتيوزيس من عدمه...

    و بالنسبه للأكياس...المفروض انك تعملى سونار مهبلى عند طبيب شاطر علشان تتأكدي من وجود أكياس فعلا و لا لأ...

    و فى رأييى إنك يا حبيبتى لو عملتى الفحوصات ديه هتبقى كده قطعتى شوط كبير و قصرتى الطريق عليكى و على طبيبك...و ساعتها القرار هيكون ليه...هل الفحوصات و ضحت ما يكفى و لا هتحتاجى للمنظار.....

    طبعا أنا معلوماتى على قدي ...بس طبعا الرأي الأول و الأخير لطبيبك...بس أتمنى انك تكملى فحوصاتك فى أماكن موثوق فيها علشان لما حد يشخصلك حالتك...تبقى مطمئنه وبالتالى تبدأي تاخدي العلاج ...لكن يا حبيبتى اللى مضايقنى انك مش مقتنعة بأي تشخيص و بالتالى ده مش هيخليكى تقتنعى بأي علاج و يالتالى هنفضل واقفين فى مكاننا بدون تقدم...

    متضيعيش وقت أكتر من كده...ربنا يهديكى للى فيه الخير..
  5. @ashtkt_alyk

    صباح الخير يا طمطم يا قمر....واحشانى و الله كتير...

    بقية البنات الحلوين...قوموا بقى و نوروا كده...و بلاش الكسل ده..

تابعي تجارب أخرى من هذا القسم.