عانس+عاطله عن الدراسه+ابوي زعلان علي+مسجونه+امي=فشل رهيب ساعدوني.

ليش ما تسوين حلويات ومعجنات وتبيعين بالبدايه صعبه بس بعدين الكل بيعرفك صدقيني احسن من الدراسه الي اخرها البيت واذا عن التعليم النت ماخلا شي لان تعليمنا الان مجرد كتب صماء نحفظها عشان ننجح بس واعرف بكلريوس اقرب للاميات واعرف بنات ثنوي بس ثقافه وعلم الدراسه مو كل شي
اكثري استغفار ودوري لك مشروع وانتب بالبيت وتوكلي ع الله وشوي شوي تفرج

ياحبيبتي في بعض الناس تاخذ مشورة الغير من غير ماتميز الصح من الغلط

السرقة من ابوها بحد ذاته عقوق وتأثم هي واللي شاااارت عليههههههاااااا

والله يوفقك ياعيوني بلااااااااش تتحمسين كثييييييييييير

ياعيوني

اخيرك ياعسل :
تكملي دراستك على حساااب غضب ابووك او تكسبين رضى الوالد و :angry:

خذيهااا ياقلبي مني من ترك شيء لوجه الله عوضه الله خيرااا وايش فايدة الدراسه اذا الله ما باركلها فيه ياعسل

ياعيوني انا مو قصدي المعااارضه لكن والله عشانك انت
شيء انت ماتستفيدين منه بالعكس يمكن تأثمين عليه سيبيه

وهذه احلى وردة لك :26:

بالعكس حبيبتي لاتقولين نسبتج واطيه نسبتج مو واطيه ابدااا باعكس في بعض الدول يعتبرونج من الطالبات الشاطرات بهالنسبه لكن قدر الله ان ظروف الجامعه عندج صعبه بس هل توقفين؟؟؟لا اكيد يصير تعيدين ثالث ثانوي عندكم؟؟ولا مايصير اذا يصير عيدي حبيبتي ومتأكده بتتفوقين أنا فشلت في بداية دراستي الجامعيه فشل ذريع اقسم بالله ماكذب عليج ياختي اني ماكنت اشوف الا f رسوب وورا بعض كل المواد وليش ماكنت ادري مع نسبتي مثل نسبتج في الثانويه 82% وعندنا تعتبر نسبه حلوه كنت احس اني اتحسس من الموضوع والدراسه لان خواتي متفوقات حسيت اني فاشله ودايما متضايقه واصيح ومهما سمعت من اهلي خصوصا والديني جزاهم الله كل خير من تشجيع وحب اقسم بالله كنت احس بسكاكين في قلبي واتمنى يسكتون ومايكملون على الاقل لو مب مهتمين او متجاهلين بيكون احسن من اني احس بذنب فظيع واني ماقدرت اسعدهم واحقق جزء من احلامهم واني اكون اضعف وحده من عيالهم تخيلي سنتين ونص ورا بعض كله رسوب وحياتج واقفه؟؟ :وكنت على وشك الطرد من الجامعه ونادوني عشان اوقع ورقه انهم انذروني انذار اخير ولاحظي كل هاي وانا مامشيت في دراستي الجامعيه ولاخطوه لاني دايما راسبه وفجأه قررت اني امحي السلبيه من حياتي مع ان طردي كان مؤكد بس ارادة الله سبحانه وقدرته كانت اقوى وتوكلت على الله 100% اقسم بالله ماتتخيلين هاي الشي شلون حول حياتي الدراسيه مثل السحر صح احنا دايما نقول توكلنا على الله بس هالمره انا قلتها بقلبي وبيقين مافيه ذرة شك اتخذ الاسباب واتوكل على ربي واعرف ان لاحول ولا قوة لي الا بالله سبحانه ودايما ادعي حبيبتي ان الله يسخر لج عباده ويحبب فيج خلقه دايما ادعي بهالشي ولاتفقدين الامل ابدااا ابداا مهما يصير وانا اقولج اياها عن تجربه "ضاقت فلما استحكمت حلقاتها فرجت وكنت اظنها لاتُفرج " لاتفقدين الأمل ولا تيأسين اكرر هاي الشي للمره المليون لاني اعرف اليأس شلون يحول حياة الانسان لسواد وشلون التفاؤل والتوكل على الله يخلي حياتنا تمشي من غير مانحس ومثل ماقال اشرف الخلق عليه افضل الصلاة واتم التسليم تفاءلوا بالخير تجدوه الله ييسر امورج يااارب واموري وامور كل المسلمين ونشوفج متخرجه وام ان شاءالله