السلام عليكم يا بنات المنتدى ابنتي عمرها 4 سنوات ولحد الآن شعرها خفيف جدا وكلما احط فيه كريم الشعر حق يزيته ويعطيه لمعه ويخفف من جفافه ما ألقى نتيجة .
بسرعة شعرها يتشرب الكريم ولا كأني سويت شي ودائما شكله جاف ومتطاير من خفته
تكفون خواتي الغاليات اللي عندها خبرة في هذا المجال تنصحني وتعطيني من الحلول المناسبة لشعر بنتي من زيوت طبيعية ومواد طبيعية >>>>ترى هي طفلة ما تتحمل الا كل ما هو طبيعي
كل الشكر لكن على تفاعلكن معي
شاركي في النقاش
سجلي الدخول لإضافة تعليق.
التعليقات
7- :24: الي الأخت جمانه
أهم شي هو استخدام الزيوت الطبيعيه مثل زيت الزيتون والخروع وزيت جوز الهند الطبيعي تحصلينه في السوبر ماركت بسهوله ، وفي شغله ثانية لما تمشطين شعرها حاولي ترشينه بماء وزيت جوز الهند بنسبة بسيطه علشان نسبة الزيت تخلي الشعر طري وما يتقصف ................ ولك منى أجمل تحية - دايما يا عزيزتي قبل ما اتحممينها تحطين زيت لمدة ولو ساعة وبعد خروجها من الحمام تنشفين شعرها شوي وتدهنينه بأي كريم يناسبك للشعر ولا تخلين شعرها جاف ابدا:26:
- مشكورة أختي (( ملفوفة )) على المعلومات المفيدة وان شاء الله راح اجربها الل يجزيك خير
أختي ملا الجنان بارك لله فيك وشكورة على الرد وان شاء الله راح اطبق ما نصحت به جزاك الله خير - اختي .. قبل تغسلين شعر صغيرونتك بساعه ..
ادهني شعرها بزيت عافيه .. حق الطبخ:32:
تراه مره ممتاز لجفاف وتقصف الشعر ..
وبعد غسل الشعر .. استعملي منقوع سدر مع ماي وحطيه في بخاخ حق الكوي يعني زي السبريه بخيه على شعرها وانتي تمشطيه .. وهذا المنقوع خليه كميه كبيرة تكفي لمدة شهر تقريبا .. يعني خليه بالبخاخ ..
ويااارب يتحسن شعرها ... - شكرا أختي BLUE MOON على النصيحة
بجرب وان شاء الله الاقي نتيجة
مواضيع مشابهة
تابعي تجارب أخرى من هذا القسم.