بسم الله الرحمن الرحيم
كيفكم خواتي بنات حواء
مالكم بطويله انا شريت قدر ضغط وانا اولا خايفه منه بس عشان زوجي من الي اسمعه عنه ثانيا وهذاء الي ذابحني انه مكتوب على الورقه اغلي فيه مويه حاره عشان ريحته تطلع والله اغلي والريحه تعج في البيت تقولين ريحه بيت فلبينين ريحه سمك كبيت المويه وغليت مويه ثانيه والريحه عيت تطلع والمشكله اني شاريته استيل ومن السيف مقهوره وابو الشباب يبغى مضغوط بكره:icon33:
شاركي في النقاش
سجلي الدخول لإضافة تعليق.
التعليقات
11- هلا ياغاليه تمام اخبارك انتي
عادي لاتخافين ولاشي ياغاليه وش نوع القدر اللي عندك اول مره اغليه بماء ساخن وخلاص ياغاليه ابدي اطبخي فيه عادي والريحه اللي تقولينه ماعمري سمعة عنها لايكون قدرك صيني تخبرين الصينيين ماخلوو شي الاوسببو فيه مشاكل ههههههههههههههههههههه
هلا وغلا ..
إقرأي التعليمااااات اللي تجي في الكاتالوج مع القدر واتبعيها بدقة
ومع الاستمرار في استخدامه تتعودي عليه
وفقك الله
: :- والله يالحبيبه انا اخوف منك شريته في رمضان العام علشان اسوي فيه الهريس لان شغالتي تعرفله تقولان اللي كانت عندهم
المدام ماتشتغل الا فيه ومن سافرت الله وكيلك والله ماسويت فيه والبنات مراح يقصرون بس ماحبيت ادخل ومارد عليك - لاتخافين دام انك غليتيه ان شاء الله ما فيه شي
- الريحة أول مرة اسمع عنها..
بس اغلي فيه موية زي ماقالوا لين تروح الريحة وإذا ماراحت جربي نقعية في ماء حار وصابون وملح وإن شاء الله تروح الريحة..
واقرئي التعليمات اللي معه زين وطبقيها..
يعني انتبهي لاتسكرينة مايل..
لا تفتحين القدر قبل مايطلع البخار اللي فية..
إذا القدر طوووول مرة ماصفر اعرفي أنك مسكرتة غلط..سكري النار وفرغية من البخار وافتحي القدر وسكرية ثانية زين..
الله يطعمك من خيرة ويكفيك شرة,
تمنياتي لك بمضغوط شهي يعجب :arb:
مواضيع مشابهة
تابعي تجارب أخرى من هذا القسم.