ولدي والفكيس ارجو المساعده

السلام على كل المتواجدات

خواتي ولدي عمره 5 شهور ونص
وله 3 ايام رشح وكحه
وماخليت علاج ماعطيته مافاد
اليوم قريت عن خلطة الفكيس والقرنفل
وسويتها له
حطيت في مواطيه فكس وقرنفل
ودهنت بطرف صبعي ظهره وصدره في الفيكس

هو نايم اللحين بس قلبي يراقع جنوبي

اخاف الفيكس يضره لاني ام لاول مره وعليميه
ومانتبهت للوصفه ان الفيكس يعطى فوق السنتين
بليز خواتي من صار معها هالشي
الله يوفقكن طمنني او علمني كيف اتصرف

10 تعليق 893 مشاهدة

شاركي في النقاش

سجلي الدخول لإضافة تعليق.

التعليقات

10
  1. .
    .

    حبيبتي لا تخافين ماعليه ان شاء الله
    لكن مره ثانيه لا تحطين له فكس توه صغير ..

    وديه للدكتور و خذي علاجاته معك قولي ما نفعت وخليه يكتب غيرها أحسن

    طمني قلبك كل الصغار يمرضون و يطيبون باذن الله ..

    بالكثير اسبوع و يتحسن


    .
    .
  2. @mthayl_5

    عــادي حبيبتي لا تحااتي انا اسوي لولدي فيكس من يوم هو صغير
    والحمد لله ما صارله شي...
  3. اختي فيه في صيدلية النهدي فيكس الى صغار من ثلاث شهور جربيه وان شاء الله ينفع .
    انا من تجربتي مع اولادي ان الكحه ما يفيد فيها الا الفيكس وتدفئه الصدر واذا فيها بلغم شربيها مويه قد ما تقدري وتخف ان شاء الله.

تابعي تجارب أخرى من هذا القسم.