يا اهل الذوق والفن والابداع اهل الاشغال والتغليف الحقوني ربي يخليكم

السلام عليكم ورحمة الله وبركاته
اخواتي الغاليات بنات منتديات حواء الله يخليكم لاتخذلوني وتتركوني والله اني ماكتبت ها الموضوع الا اني متاكده من انكم مراح تخلوني
اختي تطبق على طالبات المرحله المتوسطه وانتم عارفين التطبيق وطلباته هي قسمها احياء (نبات)
وزي منتو عارفين برضو انه لازم الهدايا اثناء التطبيق فياليت يا الغاليات تعطوني افكار هدايا بسيطه وسهله وابغاها تجذب الطالبات <<<<<<<<<<<<<< عارفه اني زودتها حبتين بس صدقوني اختي حيييييييييييييييل محتاجه افكار
ربي يسعدكم وييسر اموركم ولايحرمكم ما ادعي لكم يارب





لا اله الا الله محمد رسول الله"""سبحان الله وبحمده سبحان ربي العظيم

8 تعليق 1,395 مشاهدة

شاركي في النقاش

سجلي الدخول لإضافة تعليق.

التعليقات

8
  1. @ansanh_bhk

    صاحبة الموضوع
    ليييييييييييييييييييييييه يابنات حواء كذا تسوون فيني 77 وحد وللحين ولا رد مو هذا خبري فيكم وتسلمين حبيبتي ننو سام عا الرفع




    لا اله الا الله محمد رسول الله """سبحان الله وبحمده سبحان ربي العظيم
  2. @dnya_althok

    http://forum.hawaaworld.com/showthread.php?

    اول شي مرحبا خيتووو هدا الرابط ممن تشتري ليهم كتب قصص
    اللي تكون مع مجلة الحياه مناسبه لسنهم لانو المتوسط مو ي الصغار
    الهدايا لاز تكون مناسبه لانو مريت بالتجربه هدي تعبنا كتير فيهم والله
    وغير كدا انا مرا عملت ليهم هديا اشتريت دب بـ 15 ريال اربعه منو
    وحطيتها في كيس الهدايا الكبير ومعاها ورده صناعي الوان مختلفه ودبست الكيس من فوق
    والله جنو وانبسطواااا موت لان هدا الشي مناسب لعمرهم

    ومرا لا جبت ليهم ورد طبيعي ورحت البيت كمان اضفت عليه لولو ابيض
    والورد احمر مو سولفان من برا لا جبت الكريشه واضفتوا عليه طلعت حركه بسيطه
    بس مراااا حلوه اللولو مع الورد الاحمر ساااار مرا نايس عادي من برا العقد بـ4 ريال وفيه بـ3 ريال

    واخر مرا في الدرس النموذجي لا جبت ليهم كاسات الحلاوه اللي تجي من النقلي جاهزه
    بس رحت اشتريت علبة الهديه اللي تجي بـ4 ريال المكعبه تمام وحطيتها في وسطها وضربنا عصفورين بحجر واحد
    العلبه نااايس والحلاوه ياكلوها وطعمه تعرفي عشان كبار مو اي شي يرضيهم
    والهدايا تكلف غير الوسائل الله يوفقها ان شاء الله يارب ويسهل عليها

    بالتوفيق واعتذر لرد متاخر والله دوبي شفت الموضوع لما قلبت الصفحات
    مووووووووووووووووووووووفقه
  3. @kmr_gd_ghyr

    و الله ما عندي علم بس حبيت اطلع بدون رد ،، زماااان عن المدارس ،، و ما ادري ايش صار على التدريس و المدرسين ،، بس ان شاء الله البنات يفيدونك ،،
  4. @ansanh_bhk

    صاحبة الموضوع
    اختي دنيا الذوق ماقصرتي والله ربي يجزاك الف خير بجد افكار جديده وان شاء الله راح تعجب الطالبات

تابعي تجارب أخرى من هذا القسم.