شاركي في النقاش

سجلي الدخول لإضافة تعليق.

التعليقات

46
  1. @oyn_ahbaby

    ايه اقبل الزواج اذا امه والله طيبه وتنحط على الجرح ويبرى وخواته بنات سنعات وبعدين مو حرام اني اسكن معه لاني ماارضى والله ابعده عنه اهله بعدين اخاف يدعون علي تقبلي مروري
  2. انا ما ارضى

    مو بسبب المشاكل
    ولا علشان اخذ راحتي باللبس

    لاني عارفه شخصيتي
    ما اندمج كثير مع الناس
    واستحي وممكن اجامل على حساب راحتي

    ومع ان لي خمس سنوات متزوجه الا اني استحي ادخل مطبخ اهل زوجي
    واذا دخلت احس بعدم الراحه
    لاني اعتبره من خصوصياتهم
    حتى اذا بطلع للصاله لازم اوضح لهم اني بطلع
    مثلا اقول في قدامي احد ابطلع اغير لولدي

    مره سافرنا مع اهله وسكنا بشقه
    والله استحيت ادخل الغرفه مع زوجي
    انتظرت لين كلهم دخلوا ودخلت

    وعلى العكس فيه ناس يدخلون مره مع الحموله
    اعرف وحده اول مره تشوف اخت زوجها توها عروس جايه من مدينه ثانيه
    شوي الا داخله المطبخ وقامت تساعدهم بالغداء
    الاخت مره اعجبت فيها
    بس انا ما تقبلت وحده اول مره تدخل بيتي وتفاجاني وهي طابه بالمطبخ
    لا ومو بس تجهز الصحون وترتب السفره
    تتبل السمك تخيلوا بس :D

    علشان كذا اشوف ان السكن يعتمد على نفسيه البنت
  3. @astar_alshrayaa

    انصحك يااختي انك تسكنين برى العائلة
    لو غرفة حمام اهم شي تكوني بعيدة عن المشاكل
    والغيرة الام والاخوات
    والله راح تكون المشاكل ليل ونهار
    انا قلتلك نصيحة وانتى واختيارك
  4. @lmys_alaana

    بغض النظر عن السكن من كان مكتوب على جبينه السعاده فيكون سعيد حتى لو سكن كهف
    ومن كتب عليه الشقاء بيعيش تعيس حتى لو سكن في قصر
    نفس الحال بالنسبه للمرأه
    أعرف حرمه ساكنه مع أهل زوجها وعايشه في سعاده وماخذه كامل حريتها وتلبس وتظهر وتتمشى وتربي عيالها على كيفها
    حتى زوجها يمسح على راسها عند أهله ويحب يدهالما تجهز الأكل وما شافت شر ما شاء الله
    وأخرى ساكنه في بيت مستقل ولا إله إلا الله كأنها ساكنه مع حمولتها ماهي ماخذه راحتها واصله أذيتهم لها وهم في منطقه ثانيه وأخوانه يجون كل خميس وأربعاء وتلفونات رايحه جايه الى أن تزوج زوجها عليها وما سلمت من عيال ضرتها يدخلون غرفتها
    يعنى مالها حريه أبدآ وولد عمهم كل شوي جاي وطبعآ الباب مفتوح له
    عشان كذا لا تتعلق الوحده بأن البيت هو سعادتها
    وإنما توفيق الله عز وجل
  5. @klbk_otny

    والله انا من وظهه نظري الاستقلال افضل عشان تستمر الموده بينهم لان الوحده طول عمرها ببيت اهلها تحصل لها مشاكل مع اخواتها واحيانا امهااا بس بحكم الميانه ينسوا كل شي لكن مع الاحتكاك الكثير مع اخوات وام الزوج الا ماتحصل مشاكل وسوء فهم وبالتالي العلاقه بيحصل فيها كره من الطرفين

تابعي تجارب أخرى من هذا القسم.