مادري وين المشكلة كتبت الرد وما نزل
مهي مشكلة اكتبه مرة ثانية لعيونكم
بسم الله
حبيباتي
أشكر الجميع عالمرور العطر
للتوضيح أسوق لكم قصة شعري المبجل....ترى مذكراتي يشترونها بملايين بس بنزلها هنا ببلاش لعيونكم....
شعري لاهو حرير -للأمانة- ولا هو خشن يعني من النوع اللي لازم تستشورينه وقت الرزة....بس التسريحة الملمومة أو الربط يعطي شكل حلو وناعم نوعا ما-أتمنى قدرت أوصل المعلومة-
المهم الفترة الأخيرة بعد ما جات المحروسة بنتي وهو منتهي مرة وتاااالف بشكل فظيع لدرجة إن اللي يشوفه ما يصدق إنه في يوم كان فيه حيوية ونضارة
المهم لقيت نظام لمدة شهر وزعته على البنات وبدينا ...هم -ماشاء الله - بان معهم من أول استخدام
أما أنا ولله الحمد على كل حال 3 أسابيع والنتيجة أقل من 5%
فتحطمت وهونت
خواتي انصدموا لما شافوه وقالوا لي شعرك مهو طبيعي أبد شوفي له صرفه
حتى عند أفضل الكوفيرات يضل واقف
قبل العيد 20 يوم تقريبا عملت خلطة الفيمتو وما شاء الله من أول مرة ثم كررتها يوم 9/12
وإلى يومك وأنا فرحانة فيه إن غسلته حلو وإن استشورته أحلى
وقبل يومين كنت مستشورته وقررت فيما بعد إني أروح لزواج ولما صحيت من النوم مريت عليه مرور خفيف بالإستشوار ورحت الزواج وكان روووعة
كتبت لكم مذكرات شعري الخاصة بالتفصيل...الله يهديكم طلعتوا المستخبي....بس لعيونكم الغالي ..يظهر لك..
حشا ألماس هذا مو شعر
هههههههههههه
وأي استفسار أنا جاهزة ومستعدة أدخل النت عشانكم
الله ينعم عكاريشكم وأنتم بأحسن حال
اللي مبتلية بعكرش وتبيه ينعم قبل العيد ومن المرة الأولى
متابعة النقاش، صفحة 12