والله صادقة يالشيهانة
بس العناد في بعض البنات لا حدود له
اكثر شي زاعجنا مسالة نقل المواضيع الخاصة بالاستفسارات سواء عن محلات تجميل او دكاترة او كريمات ....هذي كم مرة نبهنا عالبنات تطرح موضوعها بقسم جمال عالم حواء ....هو الوحيد المخصص للاسئلة وهناك بتلاقي مين يردون عليها ....بس مافي فايدة ..... امسك النت من بعد العشاء لمنتصف الليل تقريبا واوقات للفجر .....وشوفي كم موضوع استفسار يطلع لي من خفافيش الظلام بقسم العناية بالبشرة والا المكياج والعطور بدل ماتنزله بركن الجمال .
اوقات نتفق نحذف الموضوع نهائيا طالما وضع بقسم غير قسمه لان البنات اخذوها حلا ....كل يوم والثاني تنزل باقرب قسم وتبينا احنا نتولى النقل للقسم المناسب ..... >>>>> خير ؟ ترى طفشتنا ذا الحركة البايخة
المشكلة ما يقرون التعليمات وشروط المشاركة بالقسم
في بنات تنزل عدة مشاركات باليوم الواحد وهالشي غلط ..... لازم تعطي مجال لغيرها ....مو معقول تبي اول صفحة كلها مواضيع جديدة هي منزلتها بنفس اليوم .....حتى لو كانت مواضيع هامة جدا ومفيدة ....كل 24 ساعة موضوع واحد فقط من العضوة هذا قااااااانوووووون يطبق عالجميع .
ايضا ....احب انبه عالاخوات اللي بس يشوفون اي رقم لاطينة البنات للموزعين او للتجار وتكتب هالكريم يجنن ومدري وشو وتقوم تقول اللي يبونه يتصلون على الارقام تحت وتقوم تحط كم رقم ثابت وكم رقم جوال ...... والبنات هنا بسلامتها ...البعض طوالي بدون تفكير تروح تتصل وياتصيب ويطلع فعلا موزع للكريم ..... او تخيب ويطلع تمساح منخش بينا بالقسم و مستغل طيبة بعض البنات وسذاجة البعض الاخر فنزل ارقامه ..... ساعتها ايش موقفك ورقمك صار عنده ؟؟؟.
احنا منعنا تداول الارقام الهاتفية عالعام عملا بقاعدة درء المفاسد مقدم على جلب المصالح
واللي مصرررره تاخذ اي رقم بالعام ولحقت عليه قبل نحذفه ...اقولها اختاري اهون الضرر وخلي اخوك او ابوك او زوجك هو اللي يتصل بالاول ويتاكد من مافي حيلة او مكيدة من الرقم وانه فعلا لموزعين او تجار .
معليش .....انا ما اتهم كل من نزلت رقم بالعام ان وراها غرض سيء ... او اني اشكك بمصداقيتها .....بس في امور تدعو للريبة ....يعني عضوة مشاركاتها يادوب ما تتعدى 30 مشاركة ... ومرات 2 بس ... وتنزل رقم ...ايش غرضها ؟؟
يشهد الله على كلامي ان صادفني باحد المنتديات رجل علق على ظاهرة الدخول للمنتديات النسائية بمعرف نسائي او لقب بناتي على قولتهم ...... و اعترف هو شخصيا انه اذا حب يتعرف على اشياء خاصة بالحريم او حتى طرق حلوة للنظافة هو شخصيا يبي يستفيد منها قال ادخل للمنتدى ولا احد يشك او يتوقع اني رجال شنبات مرتز بينهم واعلق على كلام ذي ومشاركة ذي بطريقة لبقة وناعمة تمام زي البنات ...... بالله عليكم هذا ايش نسوي فيه هو وامثاله حسبي الله عليهم .
فرجاءا يابنات انتبهوا ... انا ما اقول شكي بكل وحدة وتصيرين قلقلة طول الوقت .....بس اقول حرصي زين وحاذري ومو كل رقم تجرين ركض تسجلينه وتتصلين عليه ..... ولا كل ايميل تضيفينه عندك بالماسنجر ............ اللهم بلغت اللهم فاشهد.
عاجل .. لبنات عالم حواء شوفي اسمك موجود بالقائمة السوداء !!!
متابعة النقاش، صفحة 33