فكرت بصديقتي ازوجها لخوي بس اخاف اظلمها .... ممكن استشاره

السلام عليكم

اخواتي بستشيركن في امر وساعدني بالاستشاره تتذكرون موضوع نزلته بخصوص صديقتي هل اعطي رقمها لخطابه ولا لأ
البنت وافقت بس للأسف رقم الخطابه طاااااااااااار المهم فكرت اخطبها لأخوي هو مطلق زوجته لأنها للأسف تكلم شباب من وراه وما تصلي
المشكله تو الفكره جات في بالي وبعدني متردده بمفاتحه امي بالموضوع لن طديقتي من قبيله ثانيه
حاولو اهلي يخطبون له من قرايبنا بس رفضو لأن اخوي وبصراحه مو تكانه بس ماهو خبل يعني من صفاته بصراحه انه يصلي يبي يستقر ماله اي سوابق مع بنات ولا بلاوي ابد ابد ما يمسك بوظيفه الا يوم تزوج زواجه الاولاني تغير وصار عنده حس مسؤليه ومسك وظيفته بس يوم ظلق زوجته ترك الوظيفه !!
يحب الاطفال وكان يدور بزوجته مراجعات ومستشفيات لكن الحمد لله ماصار حمل
مدري شلون اوصفه بس اللي يجلس معاه ينتقد تفكيره لأنه تعرض لطيحه وهو صغير فصار عنده تأتأة بالكلام بس مو واضحه بالحيل
رحوووووم ويحب الخير بس يبي له مره تخاف الله فيه عنده قسم بالبيت زي الشقه صاله ومطبخ وحمام وغرفه كبيره

بنات ذكرت تفاصيل بس عشان احطكن بالصوره معي
صديقتي عمرها 28 او 27 بس محد جاها يخطب زي الناس اما شايب ولا مشكلجي المهم هي حزينه ودايم تشكي لي
بنات افاتح امي بالموضوع واخوي؟
هل اكون ظلمت صديقتي بخطبتها لأخوي ؟
اصرف نظر عن الموضوع ؟
اشيرو علي

56 تعليق 5,488 مشاهدة

شاركي في النقاش

سجلي الدخول لإضافة تعليق.

التعليقات

52
  1. @mlh_alhbayb

    اسألي اهلك اول..واذا وافقوا شاوري البنت وقولي لها كل عيوب اخوك قبل محاسنه..وهي تتحمل نتيجة اختيارها طالما انك ماخبيتي عنها شي..
    الله يقدم اللي فيه الخير
  2. @am_alnrgs_1

    اخوك عيوبه ماهي كبيره--واذا استقر ان شالله وتوفق راح يتغير وينضبط بشغل--ويظهر لي من كلامك انه طيب-؟؟؟؟؟؟؟صح--حبيبتي عااادي شوفي عن صديقتك بس تاكدي من شخصيتها لاتكون قويه وصعبه ---وشاوريها--ماراح تظلمينها ان شاالله لاتخافين---اخوك ماهو تارك صلاة ولا يتعاطى ولاهو راعي حريم---اللي فيه عادي
  3. ياعمري هوو الله يوفقه ويرزقه بالوظيفه وان شاء اله البنت تواااافق مافيه عيوووب عادي دامه يصلي الله يصلح حاله
  4. @krooz_2

    إللي بتخطبونها لأخوك سواء صدقيقتك او غيرها لازم تقولولها كل شيء عنه عشان لاتظلمونها
    والله يوفق الجميع
  5. @aahd_15

    أسألك بالله لووافقو أهلك يخطبوها_انك تعلمينها بعيوب اخوك_قبل تمدحينه
    كمان لازم تقولي لاخوك كل شي عنها_

تابعي تجارب أخرى من هذا القسم.