ابيكم تشجعوني
مسافره للسعوديه وماجهزت وحالتي حاله
ابغى انظف البيت وارتبه ومكسله نفسيتي عدم وزوجي فوضوي
يرمي اوراقه وياويلي ان لميتها :06:
الحين عندي غرفه مليانه ملابس ابغى اسفطها واجهز شنطه السفر
وعندي مطبخ محتاس الصحون بدولاب الكاسات والملاعق داخل القدور وهكذا
لان ولدت وماجبت شغاله وزوجي حاس الدنيا
حتى الزيت حطه بالثلاجه :06:
وبيتي بيسكنونه اصحاب زوجي عزاب ومدري كيف اخبي اغراضي منهم لان بيتي صغييييير ومفتوح على بعض
وتصميمه مخربط
والله مازادني كسل الا زوجي كل ماتحمست ارتب قالي اقعدي اخليها عادي :freak6:
وراي سفره طويله حوالي 17 ساعه ومدري وش اخذ معي هذا اول بيبي لي ومحتاسه :rotaeye:
احس اني متوتره وملخبطه تكفون لو بكلمه وحده شجعوني :icon33:
ولا اعطوني مواضيع تحمس
ولاجدول او اي شي
لازم بكره اخلللص لااازم :icon33:
شاركي في النقاش
سجلي الدخول لإضافة تعليق.
التعليقات
5- وسعي صدرك يختي
ليه مكبره السالفه ومحتاسه
روقي ولاحقه على كل شي اهم شي تهدي اعصابك وماتشطين نفسك بالشغل
بيتك على كلامك باين انه صغير
مايبيلها شي يااختي اذا ولدك نام الله يحفظه قومي على الملابس الي بالغرفه اول شي وطبقيها بشنط
خصوصا الي ماتحتاجينها حاليا ورتبيها وخلي يوم كامل بس لترتيب الشنط عشان ماتضيعين
وحطيلكم كم لبس وغيار على جنب لين تسافرون << قضنا من غرفة الملابس
رتبي الغرفه بعد التسفيط ولمعيها وانسيها
نجي للمطبخ
خصصي يوم كامل له وباليوم ذا لاتطبخين ولاتسوين شي
طلعي كل الصحون ومسحي الدواليب ورجعيهم بترتيب وتراه اذا رتبتيهم غصب عنك بتحافظين عليهم
واغسلي مطبخك بمطهر والفرن نظفيه والثلاجه افصليها ونظفيها وبخريها وارمي الي ماتحتاجينه
ولاتقضون كثير لانكم بتسافرون اشترو حاجات ضروريه وبسيطه << قضينا من المطبخ
الصاله بتكون سهله عليك اذا نظف المطبخ وغرفه الي فيها ملابس برضو اذا نام البيبي وابو الشباب قومي عليها
مسحيها ونفظيها وغطي الكنب بقطع قماش عشان ماتنعدم من الزوار واوراق زوجك شيليها بتاني وحطيلها مكان مخصص
عوديه على الترتيب بالبيت بكرا بيكبر ولدكم وبيشقق كل الي بالارض هههههههههه
انتي خصصي له مكان ورتبي اوراقه وهو برا او نايم بيجي ويتفاجاء بالترتيب وبيسكت<< قضينا من الصاله
اهم شي كثري الذكر والتهليل والاستغفار ربي يساعدك وحاولي تشتغلي بعد صلاة الفجر صدقيني كل شي يتبارك
وحطي ببالك انه شغل بسيط ومايبيله كل التفكير والجهد لان الحاله النفسيه شي مهم للبدء باي عمل
شغل البيت ماياخذ وقت بيومين او ثلاثه بتخلصين وتحسين بعدها بانجاز كبير ولاتعقدين الامور وتقولين مادري وش ابدا فيه
او مااقدر لحالي اتكلي على رب العالمين وكل شي بيرجع مثل اول واحسن
والله يسهلك ويسعدك ويريح بالك وقلبك ياارب - اول شيء سمي بالرحمن وتوكلي على رب العالمين واطلبي منه العون ونومي ولدك والبسي لبس مريح في الحركه وخذي ورقه وقلم واكتبي كل الي تبين تاخذينه ضروري تكتبين الواحد مع العجله ينسى اشياء كثير
ثانيا خلي الشنطه مفتوحه في الصاله كل ما رتبتي مكان طلعي منه الي تبينه لسفر وحطيه جنب الشنطه مثلا غرفة النوم طلعي ملابسكم وحطيها جنب الشنطه بعدين الحمام طلعي الي تبين وبرضوا جنب الشنطه لاتحطين ولاشيء داخلها لانك بعدين ما تدرين وش حطيتي وش ما حطيتي رتبيها برواقه خليها اخر شيء
اغراض زوجك واوراقه الي مايبي حد يمسكها جمعيها بمكان واحد وقولي له يفرزها ويرتبها ولا انتي بترتبيها
ادخلي ع المطبخ نزلي كل الي في الدواليب على الطاوله وابدأي افرزيها شيء للغسيل وشيء مسح بس ورجعيه مكانه المناسب
نظفي سطح الدواليب والارضيه
اذا فيه اشياء ما تبين تاخذينه وما تبين اصحاب زوجك يشوفوها عندك حلين اما ترتبينهم في دولاب بمفتاح وتقفلين عليهم او تجمعيهم في شنطه وتحطيهم تحت السرير او فوق الدولاب او المخزن
شنطة البيبي الافضل يكون عندك شناط صغيره مثل تبع المكياج عموما هما راح يعطوك شنطه صغيره فيها اغراض للبيبي بامبرز ومناديل وغيره اذا ع الخطوط السعوديه بس احتياطا خذي يمكن ما عندهم هالمره ههههههههههههه
حطي البامبرز اربعه _والمويه الدافيه في ترمس للحليب _وعلبة الحليب كامله لاتاخذين علبة القياس ما تدرين قد ايش الكميه الي بيحتاجها البيبي _ وخذي ثلاث رضاعات_ وثلاث غيارات_ ومناديل تنظيف_ ومنشفتين صغيره ووسط _وللهايه_ وخافض للحراره _ومقياس للحراره_وانتبهي انتبهي لاترضعيه لما تقلعي الطائره او وقت الهبوط بتتقفل اذانه وبيجلس يبكي
ولبسه الخارجي لفيه بمهاد افضل عشان ما يتحرك كثير وما تعرفين تمسكينه ولفيه ببطانيه قطنيه خفيفه ولبسيه طاقيه وشراب
وانتي البسي شوز وانتي بكرامه سبورت عشان عندك بيبي ولازم تنتبهين لخطواتك وعباتك الافضل تكون مخيطه من قدام <<ياما تبهذلت بالطقطق خاصه في الرحلات الطويله
وفي شنطه صغيره تحطينها في شنطة البيبي حطي جوالك ومبلغ مالي
هذا الي يحضرني حاليا اذا تذكرت شيء ثاني برجع لك ياعسل الله يوفقك - خذي معك ملح !!عارفه ليه !!
عشان اذا توسخت كل الرضاعات تغسلينهم بالمويه والملح عشان تتعقم والافضل تاخذين الفرشاه معك تبع التنظيف وتغسلينهم بالمويه الحاره والملح يالله اكتبيه الحين في الورقه^_^
الله يحفظكم بحفظه يارب
شوفي حبيبتي
أنا داااااااااااايم أتكيسل الشغل
وإذا جبرني الوقت اني أسويه
أقوم من غير رايي وأخلصه
وكللللللللللللل مررررة أقول
اوووووووووووه والله ما يسوى ضيقة صدري منه
أثره ما يسوى !!
اعرفي انك إذا بديتي فأنتي انتهيتي
شوفي مستلزمات طفلك الرضاعة وملحقاتها
الحفاض وملحقاته ولا تنسين القلافز لك لأجل ما تغسلين يدك بعد كل غيار
والمناديل المعقمة
وغيارين إلى ثلاثة بالكثير ( على حسب عمره )
وأغراضك الشخصية
هــــــــذي بشنطتك اليدوية
أنا كل شهرين تقريبا أسافر
وش أسوي إذا جيت أرتب شنط السفر (عندي طفل مثلك )
أدور على دواليبي وأدراجي
رف رف
ودرج درج
وأطلع منه وش اللي أحتاجه
وكذا أروح لغرفة طفلي وأفتح كل درج وأشوف كل رف
وآخذ حاجتي منه
صدقيني جربت كم طريقة
ولقيت ان هذي أنفع وأسرع طريقة
أما انك تكتبي أو ترتبي بدماغك وش تبين !!
فأكيد راح تنسين حاجات
أحيانا حاجات تافهه ما تتوقعينها وإذا جت حاجتها عرفتي قد ايش هي ضروريه
مثل باكيتات المناديل ومنشفة طفلك وغطاء صغير وخفيف له
الله يعينك
والله اني حاسه فيك
لأني دايم أعيش هذا الصراع
دمتي بحفظ الله :27:
....................
.............
........
...- يابنات وربي اني دعيتلكم من قلب قلبي
فديتكم والله شجعتوني
والبيت وربي خلصته في ساعه تقريبا وبقالي بس غسيل الملابس الله يعين عليه
لما قريت كلامكم تحممممممممممست وسيده قمت ارتب من الحماس خخخ
الله يسعدكم يارب ماتدرون قديش افدتوووني وشجعتووني
فرحاااااااااااانه خخخ :32:
مواضيع مشابهة
تابعي تجارب أخرى من هذا القسم.