نفسي اعرف اخرتها مع الاطباء تكفوووون دلوني ياحبيباتي
اخواتي العزيزات انا بختصر عليكم مشكلتي وابي رايكم وتدلوني علي الطريق الصحيح انتم عارفين اني لي سبع سنوات متزوجه وماانجبت للحين الحمدالله بس المشكله اني خضعت لعملية اطفال انابيب قبل فتره وكان الدكتور الي انا عملت العمليه عنده اعطاني ابر وحبوب للتنشيط وانتم عارفين هذ الكلام لتحفيز المبايض وانا الحمدالله مااعاني من ضعف تبويض يعني تبويضي ممتاز الحمدالله بس هي شروط عملية الانابيب كذ المهم تحملت الابر والحبوب والحمد الله علي كل حال والمشكله اني من بعد فشل العمليه صرت اعاني من اكياس علي المبايض من اول شهر بعد العمليه وصارت الدوره (وانتم بكرامه )تتاخر عليه وماتنزل الابالحبوب وخلتني الدكتوره اخذ حبوب منع الحمل علشان تنزلها وتنظمها لي اخذتها شهرين وبعدين بصراحه نفسيتي تعبت حسيت اني جالسه اعدم نفسي وتبويضي ووقفتها يعني انا ابي احمل وجالسه امنع نفسي وقلت للدكتوره عن نفسيتي انها تتعب من حبوب منع الحمل قالتلي خلاص وقفيها وحاولي تخسسي علشان تظبط معاكي الدوره (وانتم بكرامه)المهم انها جاتني اخرمره في تاريخ 16_2وانتظرتها 16_3 مانزلت ورحت اليوم للدكتوره حللت مافي حمل :( والحمد اله علي كل حال وعملت لي تصوير وقالتلي عند اكياس علي المبايض منها كبير ومنها صغير والله زعلت جلسة :06: ابكي في غرفة السونار لوحدي وقلت بيني وبين نفسي لاتياسي يابنت وكلي امرك لله ولما طلعت ورحت العياده تفاجات :32: بالدكتوره تكتب تحويل وتقرير طبي للمستشفي وتقولي لازم تعملي عمليه منظار علشان تتخلصي من الاكياس والله من جد شي يحرق القلب المشكله اني قبل سنه ونص تقريبا سويت عملية منظار علشان الانابيب يتاكدوا انها مفتوحه لاني سويت اشعة الصبغه وقالتلي الدكتوره مامرت الصبغه ولازم تتاكدي عن طريق المنظار وعملتها للاسف دكتور كان يراهن عليه ويجرب عليه بعد العمليه قالي انتي مستحيل تحملي الابطفل انابيب والله حطمني الله يسامحه طلبت منه تقرير طبي مارضي يعطيني وشد معاه زوجي بالكلام وانفعل الدكتور وقالها المفروض ان زوجتك ماتعمل العمليه بسبب وزنها الزايد وانا قررات اعملها لها لان زمائي الاطباء قالولي كيف تعمل لوحده سمينه عمليه وانا عملت لها العمليه وباقي الاطباء معاي في غرفة العمليات وفعلن متمكنا من وصل المنظار للانابيب بسبب كبر بطنها والسمنه الزايده وعدم نفسيتي بس الحمدالله والحين خايفه من عملية المنظار وانا اخاف من العمليان واخاف انها تاثر عليه وانا محتاره وابي مشورتكم وهل احد كرر العمليات المنظار وماتركة سلبيات لاني دايم اسمع من دكتورت النساء ان كثر العمليات في البطن تاثر علي الحمل وتسبب انسداد وانا ماني عارفه والله يسعدكم تتفاعلوا معاي والي تعرف دواء يشيل الاكياس غير حبوب منع الحمل والي سمعت عن سلبياتها ولاايجابيتها تفيدني الله يسعدكم تراني والله علي اعصابي وابي ردكم ومشورتكم اخواتي الغاليات واسفه علي الاطاله لكن صدقوني اخواتي اني في حاجه لردودكم لاني مثل ماقلت لكم سابقا اني مااحب اسال حد من الي حولي لان سولي لهم يخليهم ينظرولي نظره مااقدر اتحملها وانا من الاساس مابي احد يعرف ايش عندي يكفي اني اتفاجاء بااخواتي وزوجات اخواني وسلايفي بحملهم بعد مرور عدة شهور وكبر البطن واسكت ؟؟؟؟؟؟الله يرزقني وكل محرومه بالذريه يارب لاتنسوني من دعائكم مع خالص حبي للجميع