اليوم سويت السونار...

اليوم سويت تصوير ....... والحمدلله قالت لي الدكتورة .. كل شي تمام...


سألتها عن جنس الجنين.. قالت لي ما اعرف لانه مسكر اريوله... قلت لها المره اللي طافت بعد كان مسكر اريوله..قالت ايوه .. ولما شافت اني مصره قالت لي احتمال بنت...

انا ما فرحت ولاحزنت... عندي بنتين قبل.. والحمدلله احبهم وايد .. بس الناس متوقعه اني اييب ولد.. ووحامي هذه المره كان خفيف ونفسي مفتوحه عكس في بناتي كنت ما اكل ابد...

انا احب جنيني.. واعتز فيه ... بس مب عارفه وين اروح من كلام الناس.. لاني يوم يبت بنتي الثانيه .. استغفر الله كأنهم يعزوني.. وحده من الحريم اتقول لي الله يعوض عليج المره اليايه..

وزوجي متعشم في الولد عشان يشل عنه الحمل شوي..

ادعوا لي الله يعطيني جنيين سليم معافى .. ويكون صالح سواء كان بنت او ولد

47 تعليق 3,443 مشاهدة

شاركي في النقاش

سجلي الدخول لإضافة تعليق.

التعليقات

46
  1. @am_mash

    حبيبتي ليش تعطين الناس مجال وشايله همهم بالطقاق ماعليك منهم
    بالله اللي قالت الله يعوضك كان رديتي عليها قلتي لييييش وش انا جايبه استغفر الله
    وش هالتفكير ؟؟

    ماعليك منهم والله يرزقك على قد نيتك ويرزقك ماتتمنين يارب ويخلي لك بناتك الحلوات ..
    ولاتشيلين هم الناس صدقيني الناس تتكلم على الفاضي والمليان ولو جبتي ولد بيتكلمون ..

    يعني هم متكلمين متكلمين , أهم شي انتي تكونين ريلاااااكس وتفرحين وتستانسين ولاهمك احد

    الا زوجك وبناتك الله يخليهم لك , ياويلي عالبنات وش زينهم :27:
  2. @dmaa_moadaa

    يختي اهم شي الصحه والعافيه شوفي انا مت على البنت وربي ماعطاني بنت ابد بس يوم شفت طفلي سليم ومعافى تغير كل شي وحبيته من قلب ولاظنيت بحب البنت كثره......

    والناس ماعليك منهم كلامهم مايخلص انا نفسك كنا متوقعين بنت لدرجة وحده منهم طلعت اشاعه اني جبت بنت ....

    والله لو بنسمع لهم بنتعب اتكلي على الله وادعي ربك يكون ولد صالح وبار واهم شي تام الخلق والخلقه.

    ربي يحميكـ.
  3. @asyl_allroh

    كل اللي يجي من الله حلو , وما عليم من الناس وهذي ارادة رب العالمين

    ربي يقومك بالسلامه ويعطيك طفل معافى وسليم تام الخلقه ..
  4. @mlk_alahlam_3

    امكن يطلع ولد مايكون بنت لانه مو اكيد كلامها

    وبعدين حتى لو بنت قولي الحمد لله و

    الي تجيب البنت تجيب الولد والعكس

    وكلام الناس مايقدم ولاياخر
  5. صاحبة الموضوع
    مشكورات يا خواتي والله كلامكم خفف عني كثير...انا كتبت موضوعي من باب اني افضفض عن نفسي شوي..والله يجزيكن الخير

تابعي تجارب أخرى من هذا القسم.