بنات عمة زوجي تربت معاهم في نفس البيت وهي قد زوجي يعني اكبر مني بتسع سنوات تقريبا كل كلامها مزح برزح احيانا احسها خفيفة دم لكن احيانا ترمي مزحات تزعل مره وقدام الناس انا من غبائي مااحب ابين اني زعلت قدام احد فكنت ازعل في نفسي وهي ابين قدامها اني عادي واضحك شفتم الغباء كيف
المهم قلت مافيه الا اطيح الميانه معاها على اساس اذا رمت علي مزحه جارحه ارد عليها بمزحه مثلها واكون اخذت حقي
ويوم طيحت الميانه صارت ترميلي مزحات جارحه مرررررررررره وانا الغبيه اضححححححححححك وارد عليها بس باسلوب انعم شويه وهي تستانس مره وكل مالها تزيد وتزيد يحقلها قالت اش هذه الجلده اللي ماتزعل
وانافي داخلي انجررررررررررح والمشكله اذا شافتني تتحضني وياعمري وياحياتي يعني صرت مااعرفلها وتقوم مره وتقولي قدام الناس وجهها يابس صح تقصدني
والمشكله عند ناس مابيننا ميانه مره ويصيروا اهل خال امها ومعاهاحريم قاموا يطالعوا فيني قالوا لا فيها لحم حرام عليك
قالت هاااااااااااااااااااااه لا والله انه يابس مرررررررررررررره يخرع وتحلف بعد وهم يطالعوا فيني ويضحكوووووووووووووووا ووجيههم حمراء بالله شفتم قلة حيا مثل كذا
خلتني فرجه للي يسوى واللي مايسوى انا ضحكت باحراج وقعدت شويه وقمت وجت هي بعدين تكلمني عادي ماكانه شئ صار وتقول اشفيك ماتردي علي
ومره تقول انتي مافيك الا طولك صاحي وبرضو قدام الناس ومره تقول ولدك حلو مره مايشبهلك ابد قالوا الحريم كيف نسخه منها قالت لا والله لايشبهها ولاشئ ولافيه منها نقطه
وكثير تتعرض لشكلي قدام الحريم ولاحظت حركتها هذه معايه انا وبس والباقين تحترمهم مررررررررررررررررررررررره حتى سلفاتي الثانيات حاطتهم على راسها من فوق ومزحاتها لهم باعتبار وتوزن الكلام قبل تخرجه
ولايمكن تغلط الا علي لدرجة اقسم بالله بس اسمعها تتكلم في الشكل احتر واحمر اعرف انها بتجيب سيرتي وتحول الموضوع علي وعلى شكلي حسبي الله فيها ونعم الوكيل وانا مو مدحا في نفسي الحمدلله حلوه وهم شافوني في زواج وماتوا عندنا لين وافقنا وهي كانت اول ماتزوجت بس تمدح فيني مرررررررره
لكن اكيد قالت هذه ماتزعل عادي خليني اتسلى عليها صح يابنات وكيف اتعامل معاها اطنشها واصير مااعطيها وجه بس المشكله تدخل فيني حتى لو طنشتها وترمي الكلام بس انا اقول اكيد مره مرتين وبتبطل وتحترمني غصب عنها اش رايكم بالله دلوني والله انها من يوم احرجتني قدام الناس وانا خلاص حتى جرات اخواتها الثانيات وسلفاتي علي
وقولولي لو وحده تتكلم في شكلك قدام العالم وتحرجك اش يكون موقفك منها وكيف تتعاملي معاها بالاخص لو وحده من طرف اهل زوجك يعني ماتقدري تفتعلي معاها مشكله لانها بتكبر وبتطلعي انتي الغلطانه قولولي الناس اللي مثل كذا اش الاسلوب اللي ينفع معاهم
شاركي في النقاش
سجلي الدخول لإضافة تعليق.
التعليقات
73- بنااااااااااااااااااااااااااااااااااااااااااااااات وينكم
- حبيبتى و**** تاثرت امشكلتك بس الاشكال هاذى مينفع معها الا انك تحرجينها فى مجلس كبير غير مباشر والا تبتسمى اذا شفتيها صدقينى راح تحطلك الف اعتبار وجربى وشوفى و**** انا امجربة الاشكال هاذى تحياتى
- هذي المشكله معااي
ما فيه احد يتجرأ علي غير ام زوجي تمزح مزح قوي ويزعل لكن انا من غبائي احيان اطنش واحيان اسوي نفسي بارده ولا همي ..الله يهديها وسلفتي اللي اصغر مني محترمتها اكثر وتخااف تمزح معها ( يا دهينه لا تنكتين )
المشكله انا ما اقدر ارد عليها او اوقفها عند حدها لانها حرمه كبيره وما ابيها تمسك علي زله ... وصابره علشان زوجي
ودي اعرف هل السكوت حل او اللي يرد على الناس يصير محترم بينهم
انا ما اقولك ان الكل مو محترم معاي بالعكس بس الوحيده اللي مو مقدرتني وعامله لي حساب بين الحريم اهي ام زوجي الله يسامحها
ادري اني ما حليت مشكلتك ..سامحيني ما صدقت افضفض واقط في موضوعك :) - شكلها تتعمد تحرجك بس ما عليك منها واذاعلقت او قالت شي امدحي نفسك عندها ولا تنحرجين وكل شوي قولي فلانه شافتني ومنهبله علي وفلانه تمدح فيني و وووو خليها تحس انك واثقه من نفسك ولا يهزك كلامها بصراحه هي بايخه ويوم شافتك محترمتها وما تردين اخذت راحتها الاخت ناس تقهر :16:
- بسيطه امسكيها على جنب وقوليلها انا مايعجبني اسلوبك ورجاء لاتكررين معاي هذي الحركات .. اذا قالت عادي وشفيها.. قولي اذا هو عندك عادي انا موعادي عندي .. واخسريها وامشي.. او زي ماقالت الأخت احرجيها قدام الناس مثل ماتسوي فيك بس اخاف تزيد في حركاتها .......
من جد يااختي لاتسكتين والله تزيد وماراح ترتاحين منها.
مواضيع مشابهة
تابعي تجارب أخرى من هذا القسم.