السلام عليكم ورحمة الله وبركاته
والله اني مدري كيف ابدى في الموضوع لكن اللي شجعني انكم بنات مملكة الانسانيه المعروفين بالكرم والفزعه
والسالفه انا محتاجه مساعدة من سعوديه تكون في بريطانيا او بتروح بريطانيا :heart:
لاني من فتره سمعت انه الاجهزه هناك رخيصه جدا ومحتاجه وحده تساعدني وتجيبلي كم غرض من هناك والله يا بنات اني مستحيه ومدري وش اقول بس والله الظروف اجبرتني على كذا وكل السالفه اني انا واختي زواجنا قريب ان شاء الله وبصراحه اكيد كلكم عارفين انه المهر مايغطي اغلب الاشياء والله اننا محتاسين حيييييييييل :icon33::icon33::icon33::icon33::06::06::06:
وترددنا كثير قبل ما اقولكم بس والله اللي تساعدنا بتكسب فينا اجر الله يخليكم اللي تقدر تساعد ترسلي على الخاص
الله يسعدها ويوفقها ويسخر لها زوجها وعيالها اللي بتساعدني ويرزقها من اوسع الابواب ويحقق لها كل اللي تتمنى يارب :heart:
شاركي في النقاش
سجلي الدخول لإضافة تعليق.
التعليقات
7- طيب وش الأجهزة اللي تبينها من بريطانيا ..
ترا مو كل الأجهزة أرخص من السعودية
غير كذا الشحن والتحويل بيكلفكم - هلا فيك اختي روض الفل مشكوره ياقلبي على الاهتمام والرد
وانا بصراحه ما ادري بس كثير قالوا لي ان الابتوب مثلا تاخذينه بـ500ريال بس
اما عندنا اللي يمشي الحال بـ 2000 يعني فرق كبير صح
وكمان اجهزة براون سمعت كذا وحده تقول شرتها بـ 100 ريال بس يعني انا ما ابي
كل شي بس كم جهاز بس صدقيني بتفرق معي كثييييييييييير
واكيد ما استغني عن نصيحتكم يعني اذا مافيه فرق انصحوني ارجوكم - شوفي يا قلبو سالفة ان لاب توب بـ500 ريال هذي تصير لكن مع لاب توب تعبان ومستعمل طبعا
يعني ترا الفرق مو مره كبير بيننا وبينهم
وآلة براون وهالشغلات صحيح ممكن تطلع برخيص لكن اذا حصلتي عروض حلوة
شوفي يالغلا .. تفرجي على هلموقع يسوون عروض كل فترة وممكن تجيك حاجات حلوة وأسعارها كويسه
http://www.argos.co.uk/static/Home.htm?sRefURL=http%3A//www.google.co.uk/search%3Fhl%3Den%26q%3Dargos%26meta%3D
وبرضو شوفي أمازون UK - لاب توب بـ 500 ريال هذا اسوأ شيء ممكن تلقينه بهالسعر
لكن عندك لابتوبات بسعر 2000 ريال موجودة بالسعودية بـ 3000
كذا السعر معقول ..
جهاز براون اذا تقصدين الة الحلاقة الي تكلموا عنها بالمنتدى ؟
كانوا يبيعونها البنات بسعر 450 الى 350 ريال
لقيتها في ساكوا في الرياض بـ 150 ريال وشريت مجموعة لي ولحبايبي
والله انها مثل الموس يعني لا تفرحين اول ماتستخدمينها تقولين ياحظي
المكان ناعم بس بكرة يطلع دبابيس مثل الموس بالضبط وحكة وحبوب
وترى سعرها هنا مثل السعودية بـ 350 ريال تقريبا
يعني مو كل شيء رخيص .. بس اشوف اشياء يبيعونها البنات بالمنتدى يزودون 200 ريال
على الشيء استغرب مرة فرق كبير بالسعر
وشفت بموقع واحدة تبيع جهاز ليزر ازالة الشعر وتمدحه وتقول انها توفره بـ 3500 ريال يوم بحثت
عنه لقيته بـ 1600 ريال هنا لا وبعد يسبونه البريطانيات الي استخدموه - حبيباتي والله الله يسعدكم كلكم وينور قلوبكم
مشكورين على النصيحه يعني قولكم اشتري من هنا وامري لله
والف الف الف شكر مره اخرى على تعاونكم يالغاليات
مواضيع مشابهة
تابعي تجارب أخرى من هذا القسم.