آســـفــــة جـــداً على الإنقطاع،
بس جهازي خرب وانشغلت ببنتي.
شكراً لكل الي رفعوا الموضوع وشكراً للأمورة (حسيت إني مهمة :king:)
اليوم مر أسبوع على بداية تعليم بنتي الحمام ،
آه يا ربي تكتب لنا الأجر،
أول يومين حوسة،
بس كنت وقتها متحمسة وش حليلي،
الأيام الي بعدها حسيتها بدت تفهم كأن السالفة ضبطت،
فـ بديت أتكل عليها وأتأخر ما أوديها الحمام،
يا عمري بنتي صارت تسويها على نفسها،
مع إني مقررة ما أعتمد على إنها تقولي من نفسها إلا بعد أسبوعين،
بس الله يهديني !!!
الحين رجعت زي أول الأيام،
كل نص ساعة أو ساعة أوديها للحمام.
فيه شي حاسني قبل كم يوم،
من يوم بديت أعلمها للحمام صرت ما أعطيها رضعة،
وذاك اليوم عطيتها،
أول ماخلصت وديتها الحمام،
بعدها بربع ساعة تقريباً سوتها على نفسها،
غيرت لها وقلت خلاص أكيد مافيها حمام،
شوي إلا سوتها مرة ثانية، وغيرت لها،
والمرة الثالثة نفس الشي،
آخر شي دخلتها الحمام وقعدتها على النونية وقت طويل،
بس استغربت!!
ليه الرضعة خلتها كذا تسويها بمرات متقطعة !!
عاد من عقبها ما عطيتها،
راحمتها هي متعودة عليها،
ولا تشرب الحليب من الكوب لازم رضاعة،
ماودي كذا ماتشرب حليب.
***
لاحظت إن النفسية تأثر على التعلم،
هي كانت نفسيتها زينة من يوم بدينا،
بس قبل أمس جننتني عيت تنام بالليل،
وعصبت عليها وهاوشتها وزعلت،
وأمس مررررة تلخبطت بروحة الحمام،
وسوتها على نفسها كثير!!
عاد من عقبها وأنا أحاول أطول بالي عليها في كل شي،
مو بس الحمام.
***
أحس إني مليت وتعبت،
حتى نومي شين هاليومين،
هي ماتنام إلا متأخرة،
ولا أقدر أنام وأخليها أخاف تبي الحمام.
يا رب تساعدني وتعينني و كل الأمهات ....
أبغى أعود بنتي عـ الحمام .... وعندي كم سؤال.
متابعة النقاش، صفحة 18