شوروا على ياهل الشور ؟؟؟؟؟؟؟؟؟؟؟؟؟

السلام عليكم ورحمة الله وبركاته
اخواتى العزيزات انا ابى اخذ رايكم فى شغله وامل منكن انكم تعطونى رايكم
انا بالبيت عندى مطبخين داخلى وخارجى والداخلى مفتوح على الصاله وتعرفون ريحة الطبخ والذى منه طبعا الغرف كلها تصير ريحة طبخ ولان البيت مفتوح على بعض يعنى من الدور الاول بامكانك مشاهدة كل البيت انا حبيت انى اشيل المطبخ الداخلى واخليه غرفة قعدة ارضيه للعائله ابو بناتى يقول لا اذا بتطبخين اطبخى برا وخلى الداخلى للاشياء الخفيفه (انتى بروحك من الخوف ماتعتبين بالحوش الحين كلشىء بالمطبخ الخارجى عزت الله متنا جوع )
وانا اقول احسن يكون المطبخ برا وداخل يكون كله قعدات وصالات لاحظو ان المطبخ مفتوح على الصاله وانا بصراحه متردده اصر على راى ولا اطيعه احنا سنبدا ببعض التغييرات بس انا محتاره
وهم فيه شغله ثانيه الدور الثانى ودى اخليه سيراميك وهو يقول لابرد على بناتنا احسن فرش (يقول البنات كل شتاء مراضا والسبه الرخام الى بالدور الاول ) انا اشوف انه انظف واحسن بس هم صح بالشتاء والله بيطلع البيت جمده حتى مع وجود التدفئه شنو رايكم يالسنعات شوروا على الله يرزقكم وييسر لكم