سلام يا حوائيات
الله يجزاكم خير أبيكم تفيدوني من تعرف أحد أو هي جربت تسوي منظار قولون بمستشفى حكومي
ياليت توضحون أي مستشفى ؟ هل كان التخدير عام أو موضعي او مافيه تخدير ؟
والله أني خائفة ياليت تردون علي .
شاركي في النقاش
سجلي الدخول لإضافة تعليق.
التعليقات
8- مراحب يالغاليه
اول شي ماتشوفين شر
ثانياً انا سويت في العسكري منظار مو للقولون لا للمراره وشفت ناس سوو للقولون
شوفي اول شي فيه تخدير كامل وهو مره مع الفم ومره من اسفل من وراء ولاتخافين لايوجع ولاشي وكلهم بنفس الوقت مدته ربع ساعه بس
بس لازم معك رجال لانك اذا سووه لك بتكونين مخدره وماعليك عبايه فلازم معك احد يغطي وجهك اذا خلصوا واخذوك لغرفتك
واي استفسار انا حاضره - الله يجزاك الجنة ويفرج لك كل عسير يارب
يعني فهمت ان المنظار ياخذ ربع ساعة طيب بعد التخدير كم تجلسين ؟
وتقصدين يكون رجال معي بنفس الغرفة والا بس اذا جو ينقلوني عشان يغطي وجهي ؟
انت تقولين شفت مسوووين للقولون يعني يسوون لكم شخص بغرفة وحدة ويكونو مخدرين والا كيف ؟
السؤال الاخير معليش انا جدا متوترة وكثرت الاسئلة مين اللي سوى المنظار ؟ لأني ما ابي رجال .
انا مايهمني الالم قد ما يهمني الاحراج والكشف .
الله يجزاك الجنة
الله يجزاك الجنة
الله يجزاك الجنة
ويسترك فوق والارض وتحت الارض ويوم العرض - وعليكم السلام..
الله يشافيك يارب ويسهل امورك ان شاء الله..
بصراحه ماعرف بس حبيت ارفع لك الموضوع على الاقل. - شوفي ياعمري انا سويت منظار مرتين..مره للمعدة وكان في الشميسي..وكان المنظار من الفم وكان تخدير كامل..واللي سواه لي دكتور سعودي معروف اسمه ابراهيم الطعيمي..وكنت بروحي زوجي كان معي بالمستشفى بس ممنوع يدخل معك لغرفة المنظار ..معي الممرضات واصلا تكوني متغطيه بس طالع وجهك هو اللي بيشتغلون فيه ..ويوم صحيت من البنج لبست عبايتي وتغطيت وطلعت..
الثاني للقولون..وسويته في عيادة الدكتور ابراهيم نفسه في طريق الملك عبدالله..اسمها عيادات الدكتور محمد المفرح..وكان بدون بنج لاموضعي ولا كامل..ولازم قبلها تكونين صايمة ويعطونك بعد شئ ينظف البطن..محلول تشربينه قبل بيوم..عشان تجينهم والقولون فاضي..الممرضات هم اللي يسوون كل شئ بس الدكتور يحرك الانبوب ..ويطالع الشاشة..يعني تطمني ما يشوف منك شئ..حتى عبايتي ونقابي علي..ومع زوجي بالغرفة..وما طول يمكن 10 دقايق وخلص..وترى بعدها عادي تحسين بالم بالمنة تحت وممكن ينزل منك دم شوي بس طبيعي كله..
لاتخافين ترى الموضوع موب صعب والف سلامة عليك يارب..واي سؤال ارسلي لي عالخاص.. - رنا
الله يرفع ذكرك وقدرك عند رب العالمين
الله يجزاك خير
ام فوفو
الله يخليك لزوجك وعيالك و يجزاك الجنة يارب مشكورة حبيبيتي
لكن ابي اسأل عن الحكومي . وراح ارسلك بالخاص
مواضيع مشابهة
تابعي تجارب أخرى من هذا القسم.