رأيكم في المانع بالخبر مؤخرا ... لا تطنشوني الله يخليكم :(

أنا أختي أقول لك عن تجربة شخصية أعجبتني الولادة والمتابعة في مستشفى المانع وهذا بالنسبة لولادتي الأولى قبل سنتين ونصف وكنت أتابع عند دكتورة مصرية روووووووووووعة وقمة في الأخلاق والتعامل اسمها ناهد بتوفيق من الله عز وجل اندلينا عليها وحتى أعطتني تلفونها إذا في شيْء أو تعب تتصلي عليها وفي يوم ولادتي مع إنه كان عندها عيادة كلمها زوجي تجي تمر علي في قسم الولادة تشوفني وطلبتها تولدني ( لأنو إنت وحظك مو شرط إلي تتابعك تولدك إلا إذا كان يوم مناوبتها في قسم الولادة ) ولما كسرت خاطرها جلست معاي إلى أن ولدت بالسلامة .........


وكمان أميمة مصرية وشيبا هندية اعتقد وفي وحدة ماأتذكر بالضبط هندية أو باكستانية كويسات بالمتابعة ولكن ارتحت لناهد أكثر
ولادتي الثانية كانت بمستشفى السعد لأن عمل زوجي حولوا عليه وندمت كثيرا على الولادة فيه فعلا فخامة عالفاضي..وقلت إذا الله يسر وحملت أولد في مانع الخبر


أتمنى أكون أفدتك والله يسهل عليك ..

أنا بقولك أختي ولدت في المانع الخبر قبل سنه ونص عند أميمه وقالتلها أبيك تجين وقت الولاده وقالت خلاص بجيك حتى لو عندي زحمهوكانت ولادتها يوم الأربعاء الساعه 4 العصر يعني وقت دوامها وكلمها زوج أختي وقالت خلاص بجي ولدت أختي على المغرب ولاشافتها وقالت أبيها تجي تخيطني لأن خياطتها زينه وبرضو ماجت حتى الهنديه أللي خيطتها زعلت عشانها طلبت الدكتوره تخيطها وكانت خياطتها زفت ماخلصت أسبوعين ألا الخيوط تفككت وراحت للدكتوره قالت عادي طبيعي وقالت أذا تبين أسويلك خياطه لازم تنويم وعمليه وبتكلف 5000ريال وأختي عيت وقالت بحمل قريب وأروح مستشفى سنعوحتى عنايتهم زفت أخذت غرفه خاصه بس مافيها شي لافوط صحيه ولا صابون ولا شامبو ولا أي شي وأذا جاها ضيوف وطلعو تناديهم ينظفون الغرفه ماينظفونها يقولون خلي ضيوفك ينظفونها ويصارخون عليها ولما جت بتطلع من المستشفى قالو 850 ريال حق خدمة الغرفه وعصب زوج أختي وقال مابدفع وأنا أذا جيت ألاقي الغرفه زي ماهي محد ينظفها وأبسط الخدمات ماوفرتوها