افرازات خضراء وانا بالثالث!!! النفسية صفر!

السلام عليكم ..

بنااات أبي حل لمشكلتي شكلها مطووووولة ومحد عنده حل ..

المشكلة اني دايم الاقي افرازات خضراء تنزل مني لكن بدون حكة ولا رائحة :(


المصيبة اني اراجع بالمستوصف عند دكتورة وقلتلها المشكلة قالت مافيه حكة ولا رائحة يعني لا تخافين مافيه شي ((خليه يولي)) << على بو انها تطمني يعني!!

رحت مستشفى خاص عند دكتورة يمدحونها كذا مرة .. مرة عطتني مضاد وحبوب وغسول وتحميلة وحدة .. وبالمرة الثانية عطتني بس تحميلة والغسول نفسه .. وآخر مرة قالت خلاص مافيه حكة مافيه رائحة لا تخافين ..

وانا كل ما اقرا بالنت عن الافرازات الخضراء الاقيها خطيرة وتسبب ولادة مبكرة وناس تجهض لا سمح الله .. وانا خايفة ..

امي وزوجي يسمعون كلام الدكاترة يقولون شوفي مو خطير خلاص انسي .. ما يحسون بالقلق إللي أنا فيه :(

إللي عندها حل او صارلها مثلي تقول لي العلاج وادعيلها بصلاتي :(

ساعدوني!!

55 تعليق 345,285 مشاهدة

شاركي في النقاش

سجلي الدخول لإضافة تعليق.

التعليقات

55
  1. @kmr_mksof

    ياحبيبتي عسل الشهد مافي داعي تقلقين
    هذي التهابات معك تجي مع الحمل لان الحامل مناعتها ضعيفة ومعرضة للالتهابات
    بس انتي عالجيها ومافي داعي للقلق هذا كلة
    شوفي جيبي ملح خشن وسرافةوحطيهم ببريق لين يذوب وخلية بالحمام الله يكرمك وقت التشطيف
    وماتشوفين غير العافية
  2. @aasl_alshhd

    صاحبة الموضوع
    قمورة مشكورة غلاي

    بس سمعت ان الملح مب زين بالحمل

    حتى وحدة قالتلي انها تقعد بماء وخل التفاح

    وبعد قالوا مب زين :(
  3. @kmr_mksof

    مدري والله بس انا ماسمعت ونتي تشطفيبة بس مو تجلسين عليه فهمتي عليي عشان
    تعقيم لان هالالتهابات جراثيم والملح يقتلها واذا انتي خايفة من الملح اسالي امك او اختك الكبيرة عشان تطمنين

تابعي تجارب أخرى من هذا القسم.