بسم الله الرحمن الرحيم
السلام عليكم ورحمة الله
ارجوكم ياحلوات هذه صور لعش الزوجيه اللي راح انتقل فيه بعد شهرين ساعدوني بالأثاث اللي بحطه بهالغرف
معليش ترا صورتها بالجوال والاضاءه افتح من كذا بس ياليت تنصحوني وش احط من كنب واي لون يناسب الجدار
طبعا الثلاث صور اللي بجنب بعضها هي للصاله غرفة المعيشة ولون الجدار موف تقريبا فلفيت
والصورتين اللي تحت هي لمجلس الحريم افيدوني الله يجزاكم بالخير
ساعدوني بتأثيثه على يديكم وياليت ترفقون صور بأشكال الكنب اللي تعتقدون انه يليق بالغرف المعروضه وش اللون اللي يناسبها ووش الموديل عشان اخلي حق الكنب يفصلي عليها وش اضيف عليه من تحف و و و الخ
عندي صور لغرفة النوم ومجلس الرجال والمقلط راح انزلها بموضوع وياليت تساعدوني بالاثاث المناسب
والله يوفق الجميع وجزاء الله الف خير من دلني على هالموقع اللي ****لله مايخيب ظني
والسلام عليكم ورحمة الله
شاركي في النقاش
سجلي الدخول لإضافة تعليق.
التعليقات
26- للرفع :06:
- اب
- اختي من رايي تسوي الصاله كنب مودرن شمواه باالوان الموف الليلكي ودرجات الموف كلها والوردي كلها بس كثري من الالوان الفاتحه يعني الوردي الفاتح الموف الفاتح لكن خلي المقعد ليلكي عشان مايتوسخ
بنسبه للغرفة الثانيه خليها فخمه بعيد عن المودرن في طقومه حلوه فخمه تجي بالوان الاورنج والزيتي ودخلي الاحمر وبرايي تسوويه تفصيل عشان تتحكمي بالالوان والاقمشه
حاولي تغطي الارضيه لانها بصراحه ما عجبتني مره (وجهت نظر) يعني حاولي تكثري من الفرشات الصغيرا بنفس الوان الكنب رمي خداديات وزي كذا اتمنى اكون فدتك
بالنسبه للكنب الفخم انا عندي صوره بالجوال لواحد كان عاجبني اذا قدرت احطها\ لك - الغرفه الموف يمشي معها اللون البيج او الليموني وابتعدي عن الالوان الغامقه لان البويه غامقه فلازم تحطي حاجه تفتح المكان والغرفه الزيتي يمشي معها البيج والذهبي والورانج والعنابي والافضل لمجلس الرجال الكلاسيك وغرفة المعيشه او الصاله حلو لها المودرن وبالتووفيق
- اختي ماني عارفه كيف احط صوره من الجهاز قوليلي كيف عشان احط الصوره
مواضيع مشابهة
تابعي تجارب أخرى من هذا القسم.