سلام الله عليكم
عزيزاتي بنات حواء انا مكتئبه جدا من حالتي اكتشفت من فتره اني اغار من صديقاتي بشكل مو طبيعي مع انه ماينقصني شي بس مادري ليش كذا وربي انا ودي اتغير واشيل هالصفه بس احس ماقدر شيء لاارادي
يعني بالجامعه مثلا اذا كنا جمعة بنات ووحده مدحت الثانيه اسكت انا ويبان على وجهي الغيره مااادري ليه !
او اذا كنا نمشي وقابلنا بنات من زمان ماشفناهم وعلقوا على وحده من صديقاتي اسكتتتت انا ومن داخلي اموووت من القهر
مع انه وربي حتى انا الكل يمدحني ويعلقون علي بس مادري احسهم مجاملات !! ومع صديقاتي مايجاملون
احس المشكله نفسيه اكثر
انا تعبانه من هذا الموضوع تصدقون لدرجة كرهتهم وماعاد اكلمهم ع الجوال الا للضروره
انا اعترف اني اغار منهم بشكل جنوني وعلى فكره مو بس صديقاتي اي وحده اغار منها امي اذا علقت على وحده بالتلفزيون اسكتتت واقول في نفسي اكيد انا ماني ماليه عين امي او انها شايفتني موحلوه وتبي تدقني بالكلام
ونفس الشي اذا شفنا وحده حلووه بالجامعه وقالوا البنات شوفوا ذي البنت قد ايش حلوه انا اعصب من داخلي مادري وش فيني ليه انا كذا مع اني زمان ماكنت كذا
واذا مره انجبرت اني امدح وحده يعني اقط مع البنات اشاركهم رايي فيها احس اني اموووت بداخلي ماودي اقوول حلوه احس اني اهين نفسي احس انه المفروووض انا اولى بالمدح !!
اسفه اذا كلامي ملخبط بس مو عارفه وش اسوي اخاف تطور المشكله معي وافقد صديقاتي واقرب الناس لي :(
شاركي في النقاش
سجلي الدخول لإضافة تعليق.
التعليقات
42- الله يكون بعونك
اختي خلي جمالك الداخلي اهم عندك من مظهرك الخارجي وثقي بنفسك اكثر... - عليك اختي بالدعاء ان الله يشيل اللي في قلبك ويصفيه والاستغفار لانه يهدي النفسيه سبحان الله والله يفرج لك
- ياعمري اذا جاتك الحاله تعوذي من ابليس واستغفري اخاف تطور عندك ويبتعدون عنك الناس
وتذكري ان كل اللي تشوفينهم وانت معهم تحت التراب بكفن ابيض
وادي ان ربي يشيل هالخصله من قلبك بكل صلاه
وانت صادقه لو مو ناويه تغيرين طبعك ماتكتبين مشكلتك
الله يوفقك يارب - مهما كان يا أختي فيه غيره طبيعيه وغيره نفسيه الغيره الطبيعيه هي الغبطه يعني تبين تكونين زيها مو حسد تمني يعني انك ماتتمني زوال النعمه الي هي فيها والغيره النفسيه انك ما تبين احد يصير احسن منك هذي ممكن تكون مع الايام مرض بس انتي اذا جائتك الحاله تذكري قول الله تعالى "ربنا لا تجعل في قلوبنا غل للذين امنوا"
- الله يعين
اكثري من قول اللهم لانجعل في قلبي غلا على أحد من المسلمين قوليه في سجودك وانتي ماشية وانتي جالسة وقوليها وانت موقنه ان الله بيستجيب لك
تراها مجربة
والله يطهر قلبك من الحقد والغل وكل مسلم آمين
مواضيع مشابهة
تابعي تجارب أخرى من هذا القسم.