مرحبااااااا يابنااااااااااات...
طبعا احنا البنات نتمنى تكون بشراتنا صافيه وناعمة مثل الحرير..
وانا عندي طريقةوحدة فلبينية معلمتني اياها :D ... لاتقولون لأحد..
المهم هذي طريقة حيل حلوة ولما جربتها حتى زوجي لاحظ الفرق وقال لي في شي غير فيج هالايام.. الريحه اتهبل وصايرة نعوووومه أكثر من قبل.. بس انا ماعلمته السالفه طبعا...
نبتدي؟؟
بسم الله...
تعملين هذي الطريقه مرة وحده اسبوعيا.. يعني مرة بالاسبوع تتنقعون في الحمام وانتو بكرامه.. المهم..
كبعا كلنا عارفين الحليب النيدو البودرة... هذا تحطينه على جسمج وبتشوفين الفرق!!
نبتدي.. اولا تعملين خلطه مكونه من اي نوع من انواع السكراب المخصص للجسم مع كمية من كريم الجسم.. أي نوع عندك من الكريم ريحته حلوة مثلا تستخدمينه للجسم.. او بعد الحمام.. أنا عن نفسي استخدمت كريمات متنوعه وبكل مرة اشوف شي ثاني.. روعه..
تخلطينها مع كميه من الحليب النيدو البودرة.. يعني مثلا ملعقة او ثنتين.. الى ان يكون لديك خليط كثيف نسبيا مثل الماسك..
المهم.. تستحمين عادي.. وبعد ماتنتهين تحطين على جسمك هذي الخلطة وتدلكينها شوي لمدة 5 دقائق مثلا.. وبعدين تخلينها على جسمك لمدة 20 الى 30 دقيقة.. مع الاسترخاء.. ثم بعد ذلك اشطفي.. ولاتغسلي بالصابون.. بس اشطفيه.. وبتشوفين الفرق..
يالله يابنات اتمنى تعملون الطريقه وتبشروني..
شاركي في النقاش
سجلي الدخول لإضافة تعليق.
التعليقات
19مواضيع مشابهة
تابعي تجارب أخرى من هذا القسم.