شاركي في النقاش

سجلي الدخول لإضافة تعليق.

التعليقات

257
  1. @amwaj_387

    انا عاد غطيت عليكم كلكم:p
    اول موعد لي بالمستشفى كان وانا بالشهر الثالث
    طبعا هنا في بريطانيا يسوون تحقيق مع الحامل ويسئلونها عن كل شي علشان يعرفون تاريخها ويسجلون معلوماتها
    فقعدت الدكتوره تسألني ومن ضمن الاسئله
    سئلتني اذا كان في احد في عايلتي فيه سكر قلت لها لا (نسيت ان ابوي فيه سكر):35:
    سئلتني اذا احد صار له اجهاض اكثر من 3 مرات قلت لها لا (نسيت ان امي مسقطه 5 مرات ):35:
    والسؤال التحفه سئلتني اذا كان زوجي هو ابو البيبي ... تنحت شوي وجلست اناظر فيها وافكر وبعدين قلت لها ايه هو ابوه
    هنا زوجي كان يبحلق فيني مستغرب وقال لي تحتاج المسأله تفكير؟؟!!!!!!:blink:
    وطبعا دايما انسى الفرن شغال وزوجي يطفيه
    مره كنا بنطلع وزوجي عطاني محفظته ومفاتيحه وقبل ما نطلع قال وين جوالي؟ قلت له نسيت انك عطيتني اياه ويقولون الحامل بس اللي تنسى انت غطيت علي... ولما ركبنا السياره قال عطيني الجوال وناظرت اللي بيدي وقلت له مو عندي شكلك نسيته بالشقه ... طبعا انواع الاحراج واهو نازل من السياره يقول انا غطيت عليكي صح ...

    ومره من المرات رحت للمراجعه ولما وصلت الامستشفى اكتشفت ان عندي اسهال الله يكرمكم وماقدرت امسك نفسي ورحت الحمام ولما طلعت نادتني الدكتوره
    وقعدت تسألني عن احوالي ومن ضمن الاسئله قالت عندك اسهال؟؟ قلت لها لا ... نسييييييت

    ومره زوجي كان يبغى يروح يتروش وسئلني اذا كان في فوط بالحمام .. قلت له لا مافي الحين اجيب لك.. رحت طالعت سله الغسيل وشلتها ورحت حطيتها بالغرفه علشان ارتب الثياب
    يوم ثاني قعدت ارتب الثياب وشفت الفوط والتفت لزوجي وانا القط وجهي وقلت له انا ما جبت لك فوطه امس صح :024:

    طبعا ماخفي كان اعظم مره رزيت وجهي وتبرعت اسوي غدا لزوجي وصديقه ونسيت احط فيه ملح :09:

    ومره كان زوجي يكلم اختي بالتلفون ويقول لها تدرين انتي امواج حامل وتعودت على حركاتها
    هنا انا انتبهت لنفسي وقلت ايه صح اانا حامل الحين تذكرت :icon28:

تابعي تجارب أخرى من هذا القسم.