ترملت؛ وزوجي حي يرزق !
السلام عليكم
كيفكم بنات أتمنى تكونين بأتم عافية...
أنا أكتب هالموضوع ودموعي اربع اربع
بنات خلاص أنا طــــقــــــــــــــــــــــــيـــــــــــــــــت من زوجي ومن الزواج بكبره
والله لو الوضع ببيت أهلي أحسن من القرف اللي انا عايشته إني لأظف عفشي الحين وانطق هناك ...
بنات الله يسعد قلوبكم ... أنا أعرف ان الشكوى لغير الله مذلة بس بنات أنا أبي النصيحة
وربي إني محتاجتها .... بقولكم الموضوع وبليز ساعدوني
أنا متزوجة لي تقريبا 6 شهور
مشكلتي هي اهمال زوجي لي ... يعني لو إني قطعة أثاث بالبيت كان ماعملني بالطريقة المعدومة اللي اعيشها الحين
يروح الدوام من صباح الله خير ومايرد إلا 6-7 بالليل ...
إذا طلع هالوقت ياإما يدخل البيت ويحط راسه وينام ... وإلا يروح الإستراحة مع أصحابة !
طيب آلو والكائن الحي اللي بالبيت وين موقعه في يومك ...! ولاشئ
مايرد من أصحابة إلا على الساعة 1-2 بالليل ... ومايجي الا يالله يمديه ينام عشان الدوام
وأيام الويكند ,,, ينام 4 الفجر ومايقوم اليوم الثاني إلا 6 المغرب وعليها يطلع من البيت لأصحابة ...
بنات بنجننننننننننننننن شقصة الآدمي ماعرف ...
صارحته ,,, قلت له أنت مارتحت لي ,, منزعج مني مطفشتك بشئ يقولي لا بالعكس أنا مرة مبسوط (معاك )...
طيب وين (معاك ) ماشوفها إلا بس وقت العلاقة الخاصة وتنتهي ...
بنات أبي أحس إني زوجة معاي أحد يشاركني حياته مو بنت ليل ...
جربت كل شئ ...
فترة صرت أسوي حركات دلع وشموع وهوت باث وهلم جرى ... بس مانفع ...
يقعد وقت بسيط وعلى نــــار وماغير يطالع الساعة وبعدها على طوووووووووووووول يروح أصحابه
جربت شغل التلميح والغنج ...
مثل : يهون عليك تطلع وتخليني لحالي ... بشتاق لك ... الله يعين على تسكيت بكاء البيت بغيابك ... يبتسم ويضحك ويطلع ...
صرت أرسل له مسجات رومانسية ووله ... والنتيجة ... ولاشئ
بالأخير جيته بطريقة مباشرة وصرت أقوله إنك لازم تعدل بيني وبين أصحابك ... أنا زوجتك وأم عيالك ,,, ومن هالحكي
يقولي تقارنين نفسك بأصحابي , أنتي شئ وهم شئ ثاني
بالأخير وبالطقاق والصياح والنياح وبعد محاولات 3 شهور صار لي يوم بالأسبوع يجلس فيه معاي ...
بس نهاية اليوم على الساعة تسع عشر يروح لأصحابة ...
يعني ماسوينا شئ !
الحال نفسه :(
انهبللللللللللللللللت
بنات هذا كيف يتحمل المسؤولية ... شلون بكرى بيصير مسؤول عن أطفال وبيت ...
حتى إني سألته شعند زملائك شئ مو عندي أو مو موفرته ببيتك ... ولاشئ ...
بنات حتى الكورة صرت أتابعها عشان أعيشة جو يألفة ...
بنات والله إني بنهبل
خلاص طقيت ,,,قسم لما أسمع سوالف صديقاتي اللي متزوجات على وقتي إن العبرة تخنقني ,,,
كل وحدة منهم رايحة لمطاعم وأسواق وكوفي شوبات ,,, وأنا ماغير منطقة بالبيت كني عرّة !
مو لازم أطلع من البيت , بس لما أصير فيه يعطيني وجه , يقعد معاي يسولف معاي ...
حاشا كني أجنبية مافهم عربي عشان مايحكي معاي...!
والله إني صايرة أدعي ربي أنه يصير عقيم عشان ماجيب منه عيال يتعذبون معاه... حاشا يتيتمون وهو لساته حي ..
مثل ما أنا ترملت بحياته ...!
بنات ياقلبي أنتم , الله يخليكم قولوا لي شفيه شئ ممكن أسويه أعدل فيه حالنا ...
الحين ومن أول ماغير أرفع إيديني للسماء وأقول : (يــــــــــــــــــــــــــــــــــــــارب)
وأنا عارفة إنها تكفي .. بس لازم أبذل الأسباب ...