شاركي في النقاش

سجلي الدخول لإضافة تعليق.

التعليقات

55

  3. @monalyza_alamarat

    أنا لاحطت أنه ماركة جونسون مظلومة حيل مع أنها أحسن وحدة بالنسبة لي, جربت فريش لوكس,اللهم يا كافي ,تطلع في عيوني عروق حمرا كأنها خيوط معكرونة اندومي ولا شبكة تنس :42: ما أحب هذي الماركة بالمرة رغم أن ألوانها حلوة خصوصا للحنطيين والسمر.
    ميزة جونسون أنها مبطنة من الداخل يعني اللون اللي تشوفينه في العدسة هو اللون اللي يطلع على عيونج بالضبط و هذا مو متوفر في العدسات الثانية أبدا, اذا انت عينج لون وأختج لون تلبسون نفس العدسة فرق السما عن الارض بس مع جونسون اللون هو بالضبط. وزيادة أنه جونسون طبيعية أكثر,أنا ماخذة لون بني بندقي ولون عيني البني الغامج القريب من الأسود والله انه الكل يقولي اللون طبيعي كأنها عيونج,لولا انهم يعرفون لون عيوني كان ما صدقوا.بدون الخطوط اللي تكون حول العدسة اللي انتو عارفينها,بالعكس هي بدونها وتبين طبيعي.ألوانهم بندقي,عسلي,رصاصي,أخضر وأزرق والحلو في الماركة هذي أنه عندهم عدسات ملونة يومية :23: يعني اذا تبين تجربين لون وتخافين من الsamples اللي يعطونها لكل حد ويمكن تلقط مرض لا سمح ولا تشترين وحدة شهرية وتتوهقين فيها, تقدرين تشترين اللون اللي تبينه ليوم واحد,اذا عجبج اشتري الشهرية واذا ما عجبج ترى الزبالة عدالج ! وانا للأمانة ما أعرف سعر اليومية بس الشهرية سعرها 200,صج أغلى عن الباقيين بس والله سعرها فيها,مريحة وحتى اذا ضايقتني شوي,اتم عيني صافية بدون خطوط حمرا.في خاطري أجرب اللون الرصاصي عندهم لأنه مختلف تماما عن باقي الماركات اللي يا اما يكون في أخضر ولا أزرق مع العدسةالرصاصية وتحصلين الناس يسألونج اي لون لابسة لأنه ما ينعرف ولا يكون اللون رصاصي غامج وايد وما يبين مثل biomedics,رصاصي جونسون درجته حلوة ومبينة,رصاصي واضح.والعسلي مالهم مثل عدسة زينب العسكري واللي يسمونها اليسا.
    وان شاء الله الأخت صاحبة الموضوع تحطي صور ماركة جونسون.

تابعي تجارب أخرى من هذا القسم.