توزيعات

السلام عليكم ورحمة الله وبركاته
انا في الشهور الاخيره من حملي وابي اسوي توزيعات حلوه لبنتي ومو عارفه اشلون رح تقولوا انزلي السوق وحتلاقي اوكيه اكيد فيه اشياء كثيره حلوه في السوق بس مااحد رح يعطينا وجه لذالك قاعده اطلب من النت يمكن الاقي مع اني طلبت في كذا منتدى ولا احد يرد عليه :44:طولت عليكم معليش بالمختصر اللي تبيع توزيعات حلوه وباسعار مناسبه تخبرني وتسلمووووا

8 تعليق 916 مشاهدة

شاركي في النقاش

سجلي الدخول لإضافة تعليق.

التعليقات

8
  1. @smo_alroh_2

    ماعندي اي فكرة و لا اعرف احد يبيعها

    باللتوفيق وان شاؤ لله تولدي بخير وسلامة يحفضلك ربي مولودتك
  2. صاحبة الموضوع
    معليش نسيت انا من جده وحتى لو عندكم افكار سهله اعطوني مع طريقة اعدادها مررررررره بالي مشغول ومن كثر ما افرفر بهي المنتديات ادور احد يساعدني صرت طول الليل احلم فيها
  3. @dnya_althok

    phaarhai
    معليش نسيت انا من جده وحتى لو عندكم افكار سهله اعطوني مع طريقة اعدادها مررررررره بالي مشغول ومن كثر ما افرفر بهي المنتديات ادور احد يساعدني صرت طول الليل احلم فيها
    اول شي ياهلا وغلا والله زعلت لما قولتي احلم بيها لا ولايهمك
    شوفي انا رح اقدم كل شي اقدر عليه والله يسهل مرادك يارب ندخل بالموضوع
    هدا رابط لموضوع جديد نزلتو مااعرف يمكن يقدر يفيدك وكل الاغراض من جدة

    http://forum.hawaaworld.com/showthread.php?t=1651676
    هدا الرابط فيلو كل شي ويارب يفيدك وغير كدا غريب والله وان شاء الله يعجبك

    طيب نجي لتاني طبعا احلى شي بالتاني انو تبع البنت احلى من الولد :D
    وبشهادة ناس كتير والله العظيم كل اغراضو اشتريتها من الخازكيه بالتحديد
    اخدت التوزيعات من هناك بالجمله شوفي ايش كانت
    من كل شي 12 حبه
    براويز لو نها وردي يمكن 28 ريال شوفيهم تحت على الارضيه
    مصاصات لونها وردي 18 ريال معلقه بشكل عشوائي
    الدبدوب تبع الجوال اللي يطلع صوت هدا شوي غالي 38 ريال ملونين وحلوين والوردي فيهم كمان
    شوفيه باين صغير وفيه ارنب واضح وصغير
    الدب الكبير دا 30 ريال دخلت محل دبب وقضيت منو طبعا الخازكيه اكيد
    والصغير اللي فوق 5 ريال
    والمعلق دا الصغير كمان 5 ريال
    ومنال 10 ريال
    طيب كدا اكون قولت كل شي مهم مع الورد طبعا عشان التنسيق

    اقولك على المجسم شوفي انا عملتو بفلين حلو بس كان غالي 150 ريال عشان تعرفي الخطاط كيف
    بس فيه شي تاني انو تجيبي السله اللي بريالين حقت الزباله الله يكرمك
    وتقلبيها على تحت ولازم تعملي عامود تخين طبعا في النص عشان تجيبي سلة تانيه وتحطيها
    على شكلها عادي وتعملي غطا للفوهه تبعها عشان يسير نفس المجسم حقي بدون هدا السعر المبالغ فيه
    وبعد كدا تلسيه كولو كدا على بعض قطن ويالله تبخي طبعا بخاخ فضي الوردي دا تخلطي لون من الاكوش
    وتطبعي بالقطنه عادي واعملي فواصل بالشرايط زي ماانتي شايفه لو حبيتي كل واحد وتنسيقوا
    والفرو لونين فوشي وابيض وتحت ارضيه فلين عشان تثبتي المجسم والتوزيعات انثريها على كل المجسم
    فوق تحت يمين يسار زي ماتحبي والابليكات هدي على شكل فراشات وفساتين الكيس فيلو 10 حبات
    بخمسه ريال وهدا كل شي
    تفضلي الصوره على الرابط وشرحتها والله عشانك يارب تفيدك وهدا الاهم
    http://forums.hawaaworld.com/showthread.php?t=1462044

    والله هدا كل شي عندي لو اعرف شي تاني والله من عيوني انتي بس اعزمي وسهلي الامور
    تتسهل والله يوفقك يارب ويقومك بالسلامه وتفرحي فيها اي سؤال في اللي زكرتو تحت امرك :35:

تابعي تجارب أخرى من هذا القسم.