اختي تقدم لها واحد متزوج عمرها27 وعمره46 وش رايكم

السلام عليكم
يقولون ما خاب من استشار
اختي هذي جميله جدا ونعومه جدا وست بيت رائعه ومتعلمه معاها اكثر من شهاده بين بكالوريوس ودبلومات وملتزمه ملتزمه ولله الحمد وعاقله ومعلمه بالتعاقد لكن ربي ابتلاها بالبهاق وتعالجت منه لكن باقي بقع صغيره في جسمها من جوا يعني وجهها والظاهر للناس مافيه شي
المهم كل من شافها انبهر بجمالها ودلالها تقدم لها ناس كثير لكن كلهم فيهم عيوب يا وظيفه يافقر ياأخلاق سيئه ومن هذا يعني يقولون عشان فيها عيب بتقبل
المهم هذا الأخير مشكلته متزوج وعنده 8 اطال اكبرهم في الجامعه وهوغني على قول اهله وبيقدم تقاعد من وظيفته ويتفرغ للمحلات حقته على قول اهله
اللي حوالينا وانا نقول حرام وحده زيها في جماله وسنها تاخذ هذا وهي بين القابل والرافض وكثير يقولون شوفيه اول ثم قرري لكن هي تقول انها اذا شافته يمكن تضعف وتوافق لكن اهلها مصرين على الشوفه
عششششششششششششششرين سنه فرق
يالله كل وحده تكتب رايها بذمه وامانه

31 تعليق 2,960 مشاهدة

شاركي في النقاش

سجلي الدخول لإضافة تعليق.

التعليقات

28
  1. @slf

    يعتمد على راي اختج هي ادرى بوضعها واذا الرجل قادر على العدل واسعادها ليش لا؟
    بس خليها تصلي صلاة الاستخاره وتشوف وين نصيبها
  2. @ngmh_smaaa

    السلام عليكم

    حبيبتي اختك لس صغيرهوحرم ترمي نفسها هذي الرميه مع واحد عنده درزن اولاد

    شوفي وحده قريبتي فيها البهاق حتي في وجهها وهي حلوه

    بس صبرت والحمد لله جها عريس شاب والحين معها اولاد

    لاتخلينها تستعجل

    وتصلي الاستخاره

    ودمتي لنا بود

    نجمه سماء
  3. @shabh_bydaaa

    السلام عليكم ورحمة الله وبركاته
    انا بصراحه اشوف انه يوجد فرق كبير في السن بين الاثنين وهذا يعني انه الافكار تكون مختلفه لأن الشباب تفكيرهم يختلف عن تفكير الشيوخ وهذا برأيي له تأثير كبير في الحياة الزوجية . خلها تسوي استخاره والله يوفقها بس انا لو كنت مكانها ما اخذ شخص يكبرنا بـ 19 سنة خاصة وهي لستها في مقتبل العمر لا تضحي بنفسها :26:

تابعي تجارب أخرى من هذا القسم.