هنادي2007
عضوة
التسجيل 11-01-2007
المشاركات 169
السلام عليكم ورحمة الله وبركاته بنات بقولكم حكايتي
انا متزوجه صارلي سنه وزوجي من بلد غير بلدي
وزوجي مايجيني الا كل اربع او خمس شهور يجلس يومين بعدين يروح يعني كل اللي جاني في بلدي ثلاث مرات
وزوجته ماتدري إنه متزوج وهو شكله يخاف يقولها ولا يبيها تدري ويقول اذا عرفت اكيد بتترك البيت وبناتي وعيالي بيزعلون مع امهم ومحد بيوقف معي وهو مريض بالضغط يقول مافيني على المشاكل يكسر خاطري وانا أحبه لكن مااحس إنه يحبني مثل ما أحبه أحس أنها كل شي بحياته لها كل شي وانا ولا شي حتى مصروف مره بس وحده عطاني غير المهر وبعد طلب مني ويقول ما ابي حمل ألحين وقالي كلي حبوب وانا رفضت وتعرفون طبعا اللي مايبي حمل شنو يسوي عشان ماتحمل زوجته وانا ولا كاني مهتمه انا موصغيره عمري38 ويمكن زوجته اصغر مني بسنتين هي جميله وانا جميله بس أنا طبعا فيني عيون وسحر ماتوفقت في خطباتي السابقه وتعالجت كثيرا ولا زلت اعاني من المرض لذلك ما الوم زوجي أقول لو انا سليمه وما فيني عين او سحر كان حالي أفضل لانه يهجرني اذا سافر حتى مايرد على مكالماتي ولا مسجاتي لفترة تصل احيانا الى اربع اشهر ولما اساله ليش يقول لو كنت اعرف كنت قلتلك
المهم يابنات أبي منكن نصيحه وابي تعلموني كيف أخلي زوجي يتعلق فيني بس لحد يقول اتطلق لا حرام أنا بنفسي مو ناقصه والله يابنات اني ما أحقد على زوجته رغم انه يفضلهاعلي واتمنالها كل خير حتى عياله والله اني احبهم وافرح اذا هم بخير
----------------------------------------------------------------------------------------------------------------------------------------------
البنات للي يبغوا يعرفوا قصة الأخت هنادي نسخت لكم هي عشان تعرفوا تفكروا زييييييين في الحلووول ..الاخت سبق
و طرحت مشكلتها فهاذا القسم ...و للي تبغى تطلع على ردود البنات هاذا الرابط اتفضلوا
http://forum.hawaaworld.com/showthread.php?t=1604941
بنات طلبت الطلاق من زوجي
متابعة النقاش، صفحة 18