السلام عليكم ورحمة الله
أنا معلمة حاسب آلي
خواتي معلمات الحاسب أنا أواجه مشكلة في المعمل
ماني عارفة كيف أحلها ؟؟
الأجهزة أقل من عدد الطالبات
في التقييم مو مشكلة كبيرة لأني أقدر أقيم المتبقيات بدون أجهزة لما تخلص احد زميلاتها وتجلس على جهازها
بس المشكلة في الاختبار العملي ؟؟
ايش اسوي اخلي الطالبات ينتظرون لحد ما تخلص احد زميلاتهم ؟؟ مرة صعبة أحس راح أظلمهم بالوقت
فكرت أجيب لاب توبات أخواني بعدد الطالبات المتبقيات بدون أجهزة
لكن واجهت مشكلة ثانية ان الاب توبات المتوفرة عندي بنظام فيستا ؟؟
ايش اقتراحاتكم ؟؟
شاركي في النقاش
سجلي الدخول لإضافة تعليق.
التعليقات
5- ما تقدرين تسوين الموضوع مسائي و صباحي ؟؟؟
نصف الطالبات مسائي والنصف الاخر صباحي
وان شاءالله البنات يساعدوج اكثر - انا نفس الحالة بس انا مااسوي اختبار عملي لانهم ابتدائي بس تقييم طريقتي اكتب اسماء الطالبات الي بقيمهم على السبورة واذا خلصوا اكتب اسماء البقية
مرات مايمدي الوقت للكل طبعا فأستغل حصص الانتظااااار
والله يساعدك ويسهل امرك - انا كنت نفس حالتك الترم الاول كان عدد الاجهزة قليل مره بالنسبة لعدد الطالبات و في الاختبار كنت اختبرهم اليوم كلو تقريبا يعني اقسم البنات على مجموعات و كل مجموعة لها وقت محدد عشان محد ينظلم و اذا وحدة خلصت بدري أنادي البنت الى بعدها
طبعا العملية متعبة بس ايش نسوي مافي حل غير كده!!! - قسميهم مجموعات وكل مجموعه بيوم والمجموعه الوحده قسميها مجموعات على عدد الاجهزة واعطيهم وقت محدد للاختبار يعني الاختبار 15 دقيقة مثلا وينتهي الاختبار ويخرجون المجموعه وتجي المجموعه الي بعدها هذا الحل الوحيد بس تحتاجي تسوي نماذج اسئلة متنوعه وتخلي في سؤال تحله الطالبه على الورقه عشان يسهل لك الاختبار اكثر
- معليش خواتي زمان عن الموضوع
اللي سويتة يا خواتي :
انا الحمد لله كنت متقدمة بثلاث دروس عن المنهج لأني استلمت المنهج ومدرستهم مخلصة الطباعة باللمس بثلاث حصص
المهم قمت قسمت الفصل قسمين :
قسم 16 طالبة
و قسم 17 طالبة
قمت نزلت القسم الاول للمعمل واختبرتهم عملي
والقسم الثاني خليتهم بالفصل واختبرتهم نظري
وفي الحصة الثانية بدلت بينهم القسم اللي اختبر نظري صار دورة عملي
واللي اختبر عملي صار دورة يختبر نظري
والحمد لله محد انظلم
بس المسألة تحتاج ترتيب مسبق وزميلة تساعدك
والحمد لله مشى الامر تمام
مواضيع مشابهة
تابعي تجارب أخرى من هذا القسم.